Eigna- skipulags- og umhverfisnefnd

Farið yfir málefni varðandi fyrirhugað laxeldi í Reyðarfirði og skoðun Laxa fiskeldis ehf á mögulegum staðsetningum fyrir starfsemi þeirra í landi.

Lögð fram til kynningar fundargerð 132. fundar Heilbrigðisnefndar Austurlands.

Lagt fram bréf hestamanna á félagssvæði Hestamannafélagsins Goða á Fáskrúðsfirði, dagsett 7. desember 2016, þar sem óskað er eftir leyfi fyrir léttri trébrú yfir Kirkjubólsá gegnt Goðatúni 9 eða á öðrum hentugum stað.
Eigna-, skipulags- og umhverfisnefnd getur ekki fallist á að hestaumferð verði um Nesveg og telur að breikkun brúar yfir Kirkjubólsá sé heppilegri kostur. Nefndin felur sviðstjóra að ræða hugmyndina frekar í samráði við hestamenn og Vegagerðina.

Lögð fram byggingarleyfisumsókn Elísabetar G. Birgisdóttur, dagsett 14. desember 2016, þar sem sótt er um leyfi til að byggja viðbyggingu við hús hennar að Sæbakka 10 á Norðfirði.
Eigna-, skipulags- og umhverfisnefnd frestar afgreiðslu og felur skipulags- og byggingarfulltrúa að afla frekari gagna vegna umsóknarinnar.

Kynnt tillaga að deiliskipulagi Fólkvangs Neskaupstaðar.
Tekið fyrir að nýju á nesta fundi í samræmi við umræður í nefndinni.

Lögð fram umsögn Lögreglustjóra Austurlands vegna breytinga á umferðarsamþykkt Fjarðabyggðar.
Eigna-, skipulags- og umhverfisnefnd fór yfir ýmsa liði samþykktarinnar og tekur hana fyrir að nýju á næsta fundi.

Farið yfir þær tillögur sem fyrir liggja vegna göngu- og hjólreiðastíga. Umhverfisstjóra falið að vinna málið áfram á milli funda.

Lögð fram framkvæmdaleyfisumsókn Fjarðabyggðarhafna þar sem sótt er um leyfi til allt að 120.000 m3 efnistöku á allt að 46.500 m2 svæði við Ljósa í Reyðarfirði.
Eigna-, skipulags- og umhverfisnefnd samþykkir útgáfu framkvæmdaleyfis og felur skipulags- og byggingarfulltrúa að gefa út leyfið.