Eigna- skipulags- og umhverfisnefnd

Lagðar fram umsagnir forsvarsmanna Tanna travel og Austjarðarleiða vegna breytinga á umferðarsamþykkt Fjarðabyggðar.
Eigna-, skipulags- og umhverfisnefnd fór yfir umsagnir og endanleg drög af samþykktinni og samþykkir þau fyrir sitt leyti. Formanni og skipulags- og byggingarfulltrúa falið að yfirfara orðalag og framsetningu. Endanlegri afgreiðslu er vísað til bæjarstjórnar.

Lögð fram drög að lögreglusamþykkt fyrir Fjarðabyggð.
Eigna-, skipulags- og umhverfisnefnd samþykkir fyrir sitt leyti lögreglusamþykkt fyrir Fjarðabyggð til samræmis við drög til umsagnar. Endanlegri afgreiðslu er vísað til bæjarstjórnar.

Lagðar fram til kynningar og umræðu reglur vegna sölu gistingar í Fjarðabyggð ásamt minnisblaði um breytingar á reglugerð.
Eigna-, skipulags- og umhverfisnefnd samþykkir reglurnar og felur skipulags- og byggingarfulltrúa að vinna málið og leggja fyrir nefndina að nýju.

Lagt fram bréf Árna Más Valdimarssonar fh. Sesam ehf / Sesam Brauðhús, dagsett 19. apríl 2017, þar sem sótt er um stækkun lóðar fyrirtækisins að Hafnargötu 1 á Reyðarfirði um 4,5 metra til norðurs. Gert er ráð fyrir útisvæði fyrir gesti á hluta stækkunar.
Eigna-, skipulags- og umhverfisnefnd samþykkir, fyrir sitt leyti, stækkun lóðarinnar að Hafnargötu 1 og vísar umsókninni til bæjarráðs til endanlegrar afgreiðslu.

Lagt fram bréf Sveins Sveinssonar fh. Vegagerðarinnar, dagsett 22. apríl 2017, þar sem farið er yfir ástæður efnistöku úr fyllingu sunnan sundlaugarinnar á Eskifirði. Mun meira af efni fór í fyllingar og önnur verkefni á Eskifirði, ótengd framkvæmdum við Norðfjarðargöng en gert var ráð fyrir. Af þessum sökum vantar nú efni í vegagerð Eskifjarðarmegin.
Eigna-, skipulags- og umhverfisnefnd fellst á skýringar Vegagerðarinnar en hvetur jafnframt til að framkvæmdatími verði jafn stuttur og mögulegt er og að allra leiða verði leitað til að takmarka ónæði nágranna vegna efnisvinnslu og flutninga.

Eigna-, skipulags- og umhverfisnefnd tekur undir áhyggjur foreldrafélags Dalborgar af hraðakstri og felur sviðstjóra að kanna með uppsetningu á hraðahindrun.

Umhverfis- og samgöngunefnd Alþingis sendir yður til umsagnar frumvarp til laga um meðhöndlun úrgangs og ráðstafanir gegn umhverfismengun af völdum einnota umbúða fyrir drykkjarvörur (EES reglur o.fl.), 333. mál.

Eigna-, skipulags- og umhverfisnefnd gerr ekki athugasemdir við frumvarpið.

Fundargerð 134. fundar Heilbrigðiseftirlits Austurlands lögð fram til kynningar.

Opnuð voru tilboð í fyrsta áfanga í viðhaldi á Grunnskólanum á Fáskrúðsfirði, viðhald vegna myglu.
Eitt tilboð barst frá Launafli upp á 78.999.591 kr eða 114% af kostnaðaráætlun sem var 69.547.555. í Fjárhagsáætlun er gert ráð fyrir 55.000.000 kr í þetta verkefni.
Eigna-, skipulags- og umhverfisnefnd felur sviðstjóra að semja við tilboðsgjafa á þeim forsendum að framkvæmdin haldist innan áætlaðs fjarmagns og leggja fyrir nefndina að nýju.

Eigna-, skipulags- og umhverfisnefnd samþykktir tillögu sviðstjóra að Hafnarsjóður Fjarðabyggðar nýti færanlegu kennslustofuna sem aðstoðuhús á Mjóeyrarhöfn.

Fyrir fundinum lá sú tillaga að taka afstöðu til framtíðarnota jarðarinnar Búlandsborga í Norðfirði.
Eigna-, skipulags- og umhverfisnefnd felur bæjarstjóra að vinna drög að útboði á leigu hluta jarðarinnar.