Eigna- skipulags- og umhverfisnefnd

Fyrir fundinum liggur frá Umhverfis og samgöngunefnd Alþingis til umsagnar tillaga til þingsályktunar um skipun starfshóps til að endurbæta löggjöf um vernd, velferð og veiðar villtra fugla og spendýra, 87.mál.
Eigna-, skipulags- og umhverfisnefnd nýtir sér ekki umsagnarréttinn.

Eigna-, skipulags- og umhverfisnefnd samþykkir breytingar á reglum um leigulönd og felur umhverfisstjóra að ganga frá breytingum á orðalagi.
Málinu vísað til endanlegrar afgreiðslu bæjarstjórnar.

Lögð fram til kynningar drög að bæklingi þar sem farið er yfir helstu umhverfisverkefni sumarsins, nefndin gerir ekki athugasemdir og felur umhverfisstjóra að vinna málið áfram.

Lagt fram bréf Hjalta Sigurðssonar fh. Bjarka Gíslasonar, dagsett 23. apríl 2017, þar sem óskað er eftir leyfi til að breyta iðnaðarhúsnæði að Strandgötu 77b á Eskifirði í tvær íbúðir. Strandgata 77b er innan íbúðarsvæðis samkvæmt Aðalskipulagi Fjarðabyggðar 2007-2027.
Eigna-, skipulags- og umhverfisnefnd heimilar að íbúðir verði gerðar í húsinu.

Skýrsla Capacent um greiningu á húsnæðismarkaði í Fjarðabyggð lögð fram sem trúnaðarmál til kynningar. Eigna-. skipulags- og umhverfisnefnd ræddi skýrsluna og mun umræðum um hana áfram á næstu fundum.

Lagt fram til kynningar Minnisblað frá Verkís um ástand vatnsgeymis í Norðfirði vegna ofanflóðaframkvæmda. Sviðstjóra falið að ræða ofanflóðasjóð vegna málsins.

Lagðar fram til kynningar fundargerðir frá samráðsfundum um Norðfjarðargöng.

Lagðar fram fundargerðir til kynningar.

Eigna-, skipulags- og umhverfisnefnd fór yfir málefni eignasjóðs tengt viðhaldsmálum og mun halda þeirri vinnu áfram á næstu fundum.

Lagt fyrir drög að samning um jarðgerð og minnisblað verkefnastjóra umhverfismála dags. 2. maí 2017 um samningin um jarðgerð. Eigna-, skipulags- og umhverfisnefnd samþykkir samninginn fyrir sitt leiti og vísar til endanlegrar afgreiðslu hjá bæjarstjóra.