Eigna- skipulags- og umhverfisnefnd

Lagt fram til kynningar bréf Skipulagsstofnunar, dagsett 12. janúar 2018, varðandi beiðni Fjarðabyggðar um staðfestingu á óverulegri breytingu á Aðalskipulagi Fjarðabyggðar 2007-2027 vegna stefnumörkunar sveitarfélagsins um fiskeldi. Skipulagsstofnun er ekki tilbúin til að staðfesta óverulega breytingu á aðalskipulagi.
Eigna-, skipulags- og umhverfisnefnd felur bæjarstjóra að fara yfir málið og ræða við Skipulagsstofnun.

Lögð fram byggingarleyfisumsókn Björgvins Jónssonar, dagsett 2. febrúar 2018, þar sem sótt er um leyfi til að breyta tveimur gluggum á húsi hans að Austurvegi 9 á Reyðarfirði. Samþykki annarra eiganda hússins liggur fyrir.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að gefa út leyfi.

Lögð fram tillaga sviðstjóra veitusviðs um breytingar á gjaldskrá Rafveitu Reyðarfjarðar sala.
Lagt er til að söluhluti Rafveitu Reyðarfjarðar hækki um 4%. Nefndin samþykkir fyrir sitt leyti tillögu sviðstjóra veitusviðs og vísar tillögunni til umfjöllunar og afgreiðslu bæjarráðs.

Eigna-, skipulags- og umhverfisnefnd þakkar innsent erindi frá foreldrafélagi grunnskólans á Eskifirði.
Á árinu 2016 var þak íþróttahússins lagað fyrir u.þ.b. sex milljónir og á árinu 2017 var unnin úttekt á íþróttahúsinu á Eskifirði og var tekið mið af því sem þar kom fram við fjárhagsáætlun ársins 2018 áætlað er að framkvæma fyrir 15 milljónir á árinu 2018 í íþróttahúsinu. Gert er ráð fyrir því að endurnýja loftræsikerfi hússins, komast fyrir þann leka sem er á þaki hússins, mála salinn og búningsklefana í þeirri framkvæmd.

Eigna-, skipulags- og umhverfisnefnd ræddi erindið og felur sviðstjóra framkvæmda- og umhverfissviðs að fara yfir ástand húsnæðis félagsmiðstöðvanna í Fjarðabyggð og leggja fyrir nefndina.

Eigna-, skipulags- og umhverfisnefnd tekur undir með íþrótta- og tómstundanefnd að rétt sé að skipta þarf um gervigras á Norðfjarðarvelli og að gera þurfi heildstæða áætlun um uppbyggingu íþróttamannvirkja í Fjarðabyggð í samstarfi þessara nefnda.

Framlagt sameiginlegt erindi skólaráðs og nemendaráðs Grunnskólans á Eskifirði til bæjarráðs um skólalóð. Bæjarráð þakkar bréfriturum bréfið og vísar því til eigna-, skipulags- og umhverfisnefndar.
Eigna-, skipulags- og umhverfisnefnd gerði ráð fyrir lagfæringum við lóðir grunnskólanna á Eskifirði og Reyðarfirði árið 2018. Verið er að leita til hönnuða með verð í að hanna leiksvæðið á skólalóðinni við grunnskólana. farið verður svo í að framkvæma eftir þeirri hönnun þegar hún liggur fyrir.

Framlagt bréf Salthúsmarkaðarins á Stöðvarfirði sem fjallar um viðhaldsmál og endurbætur á aðkomu að inngangi og unhverfi hans.
Eigna-, skipulags- og umhverfisnefnd felur sviðstjóra að skoða það sem beðið er um að lagað verði í umhverfi og aðkomu að saltmarkaðinum ásamt húsnæði hans.

Eigna-, skipulags- og umhverfisnefnd fór yfir drög að umsögn og bætti við athugasemdum í hana og vísar til bæjarráðs til endanlegrar afgreiðslu

Eigna-, skipulags- og umhverfisnefnd fór yfir drög að umsögn til Laxa ehf vegna tillögu að matsáætlun fyrir 4000 tonna laxeldi í Fáskrúðsfirði.
Atvinnu- og þróunarstjóra falið að vinna áfram að umsögn ásamt öðrum embættismönnum sveitarfélagsins.

Eigna-, skipulags- og umhverfisnefnd fór yfir drögin að frumvarpinu og felur atvinnu- og þróunarstjóra ásamt öðrum embættismönnnum að gera við það umsögn og sækja um frest til að skila henni inn.