Eigna- skipulags- og umhverfisnefnd

Vinna við að flytja Lúðvíkshúsið á lóðina við Þiljuvelli 13 er hafin. þeir sem koma að verkefninu eru Fjarðabyggð, Áhugamannafélagið um gamla Lúðvíkshúsið ásamt fleirum. Sviðstjóra framkvæmda- og umhverfissviðs falið að vinna málið áfram.

Lögð fram til kynningar seinni úttekt á söfnunar- og móttökustöðum í Fjarðabyggð ásamt minnisblaði verkefnastjóra umhverfismála dagsettu 23. maí 2018.
Eigna-, skipulags- og umhverfisnefnd vísar úttektinni til áframhaldandi vinnslu hjá verkefnastjóra umhverfismála í samráði við bæjarstjóra.

Erindi Boða Stefánssonar tekið fyrir og felur nefndin umhverfisstjóra að gera samantekt á minkaveiði í sveitarfélaginu og koma með tillögur að vinnufyrirkomulagi í átaki til útrýmingar á mink í Fjarðabyggð.
Eigna-, skipulags- og umhverfisnefnd felur umhverfisstjóra að svara erindinu.

Umhverfisstjóri lagði fyrir eigna-, skipulags- og umhverfisnefnd skipulag og áherslur í vinnu gegn ágengum tegundum í sveitarfélaginu. Áherslan er lögð á að varðveita íslenska vistgerð í fólkvöngum og friðlöndum. Nefndin samþykkir tillögur umhverfisstjóra og felur henni að vinna út frá þeim á komandi sumri.

Rótarýklúbbur Neskaupstaðar sendi inn beiðni um samvinnu við Fjarðabyggð á uppsetningu nokkurra skilta til fræðslu um fugla með strandlengju Neskaupstaðar.
Eigna-, skipulags- og umhverfisnefnd felur umhverfisstjóra að vinna að frekari útfærslum á verkefninu með Rótarklúbbnum og leggja fyrir nefndina að nýju.

lagt fram til kynningar minnisblað Veðurvaktarinnar ehf um úrkomumælingar.

Farið yfir stöðu málsins. Drög að viðauka við ábúðarsamning kynnt.
Eigna-, skipulags- og umhverfisnefnd samþykkir fyrir sitt leyti samningagerð og vísar endanlegri afgreiðslu til bæjarráðs.

Eigna-, skipulags- og umhverfisnefnd samþykkir, ef samningar nást, að gerð verði óveruleg breyting á deiliskipulagi Kirkjubóls, hesthúsa- og búfjársvæðis þannig að þrjár vestustu lóðirnar verði felldar út.

Lögð fram stöðuleyfisumsókn Fjarðabyggðar, dagsett 4. maí 2018, þar sem óskað er eftir stöðuleyfi fyrir salernisgám á tjaldsvæðið á Stöðvarfirði í stað þeirrar salernisaðstöðu sem fyrir er og fyrirhugað er að fjarlægja. Sótt er um að láta salernisgáminn standa til 31. ágúst 2018.
Eigna-, skipulags- og umhverfisnefnd samþykkir stöðuleyfið.

Lögð fram lóðarumsókn Hreggviðs Friðbergssonar, dagsett 11. maí 2018, þar sem sótt er um lóðina við Fagradalsbraut 7 á Reyðarfirði undir hesthús.
Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

Lögð fram byggingarleyfisumsókn Jóhanns Óskars Þórólfssonar, dagsett 11. maí 2018, þar sem sótt er um leyfi til setja upp varmadælu við fjölbýlishúsið að Austurvegi 9 á Reyðarfirði. Samþykki annarra eiganda liggur fyrir.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að tilkynna umsækjanda um afgreiðslu nefndarinnar.

Lögð fram fyrirspurn Elís B. Eiríkssonar hjá Eflu fh. Loðnuvinnslunnar hf, dagsett 11. maí 2015, þar sem spurst er fyrir um möguleika á nýrri lóð fyrir sjódælustöð inna við Löndunarbryggju við fiskimjölsverksmiðju fyrirtækisins á Fáskrúðsfirði.
Eigna-, skipulags- og umhverfisnefnd telur að hægt sé að koma lóð fyrir sjódælustöð fyrir innan við Löndunarbryggju að uppfylltum þeim kröfum sem Fjarðabyggðarhafnir gera vegna starfsemi hafnarinnar.

Lögð fram byggingarleyfisumsókn Magnúsar Þorra Magnússonar, dagsett 21. maí 2017, þar sem sótt er um leyfi til að setja hurðir í glugga í stofum á jarðhæð suðurhliðar fjölbýlishússins að Hlíðargötu 55 á Fáskrúðsfirði. Aðalhönnuður er Elís B. Eiríksson. Samþykki annarra eiganda liggur fyrir.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að tilkynna umsækjanda um afgreiðslu nefndarinnar.

Lögð fram beiðni Hjörleifs Guttormssonar um styrk til fornleifarannsóknar í útsveit Eskifjarðar, Krossanesi og í Vöðlavík.
Eigna-, skipulags- og umhverfisnefnd samþykkir að veita 500.000 kr. styrk til verkefnissins. Umhverfisstjóra falið að svara umsækjanda.

Lagt fram erindi Þorsteins Erlingssonar, dagsett 8. maí 2018, vegna lóðanna við Ystadal 5, 7 og 9 sem eru samkvæmt deiliskipulagi ætlaðar fyrir einbýlishús. Áhugi er á að sameina lóðirnar svo hægt sé að byggja á þeim 6 íbúða raðhús.
Eigna-, skipulags- og umhverfisnefnd felur skipulags- og byggingarfulltrúa að ræða við umsækjanda um mögulega nýtingu annarra lóða.

Eigna-, skipulags- og umhverfisnefnd samþykkir, fyrir sitt leyti, tillögu að breytingu á Aðalskipulagi Fjarðabyggðar 2007-2027, stækkun hafnarsvæðis á Eskifirði til auglýsingar. Tillagan er sett fram á uppdrætti og greinargerð dagsett 28. mái 2018. Tillagan verði auglýst í samræmi við 31. gr. skipulagslaga. Endanlegri afgreiðslu er vísað til bæjarstjórnar.

Lögð fram byggingarleyfisumsókn Eiríks Sörens Sörensen Guðnasonar, dagsett 7. maí 2018, þar sem sótt er um leyfi til að stækka til vestur íbúðarhús hans að Dallandi í Norðfjarðarsveit um 40,7 m2 og 109 m3. Aðalhönnuður er Steindór Stefánsson.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að tilkynna umsækjanda um afgreiðslu nefndarinnar.

Lagt fram bréf Guðröðar Hákonarsonar eiganda jarðarinnar Efri-Miðbæjar, dagsett 23. maí 2018, þar sem óskað er eftir leyfi til efnistöku úr Norðfjarðará, vestan við golfvöll.
Eigna-, skipulags- og umhverfisnefnd samþykkir efnistökuna að fengnum jákvæðum umsögnum Veiðifélags árinnar og Fiskistofu.

Vísað frá bæjarstjórn og bæjarráði til nefndarinnar til umræðu og afgreiðslu að nýju.
Eigna-, skipulags- og umhverfisnefnd frestar afgreiðslu og felur skipulags- og byggingarfulltrúa að óska frekari gagna vegna málsins.

Lögð fram til kynningar fundargerð 141. fundar Heilbrigðisnefndar Austurlands frá 3. maí 2018.

Framlögð til kynningar 2. fundargerð stjórnar Náttúrustofu Austurlands á árinu 2018.