Eigna- skipulags- og umhverfisnefnd

Jódís Skúladóttir verkefnastjóri Strætisvögnum Austurlands hjá Austurbrú kom á fundinn og fór yfir verkefnin hjá Strætisvögnum Austurlands.

Leiðin er mjög kostnaðarsöm fyrir sveitarfélagið, er því lagt til við bæjarráð að leiðin verði lögð niður í samstarfi aðila eins fljótt og kostur er.

Lagðar fram til kynningar umsagnar og athugasemdir sem bárust á auglýsingartíma tillögu að Aðalskipulagi Breiðdalshrepps 2018-2030 ásamt umhverfisskýrslu.

Samningur Landgræðslunnar við Fjarðabyggð um endurheimt votlendis í landi Hólma og að hluta í landi Kollaleiru lagt fyrir eigna-, skipulags- og umhverfisnefnd. Nefndin samþykkir samninginn fyrir sitt leiti og vísar til afgreiðslu bæjarráðs.

Umhverfisstjóri leggur fyrir eigna-, skipulags- og umhverfisnefnd minnisblað um garðaslátt fyrir eldri borgara og öryrkja. Nefndin felur umhverfisstjóra að vinna að útfærslu á framkvæmd garðasláttar í samráði við félagsþjónustu Fjarðabyggðar og leggja fyrir nefndina að nýju.

Sviðstjóri veitna fer yfir beiðni landeiganda Sléttu, Reyðarfirði að fá að nýta tilraunaborholu, sviðstjóra falið að vinna málið áfram og leggja fyrir nefndina að nýju.

Lagt fram til kynningar

Samningur um boranir kaldavatnshola í Fjarðabyggð við VKC ehf lagður fram til kynningar.

Þann 12. janúar 2018 flæddi inn í kjallara á húsi á Reyðarfirði sviðstjór veitna kynnti stöðu málsins. Nefndin felur sviðstjóra að vinna áfram að málinu og leggja fyrir að nýju

Lögð fram tilkynning um ábyrgðarmann Rafveitu Reyðarfjarðar og staðfesting Mannvirkjastofnunnar.

Nefndin samþykkir drög að samningi við Rarik um sameign á ljósleiðarastreng á Fáskrúðsfirði og einnig samkomulag við Loðnuvinnsluna(LVF) um notkun veitna á ljósleiðara LVF fyrir væntanlegt ljósleiðarakerfi veitna.

Kostnaðaráætlun vegna kaupa og uppsetninga á hleðslustöðvum frá Hlöðu og Orkusölunni. Auk þess styrkur frá Orkusjóði skv. Austurbrú. Veitustjóri leggur til að gerður verði þjónustusamningur við Hlöðu fyrir rekstur stöðvanna, sem verða í eigu Fjarðabyggðar. Samþykkt að gerður verði þjónustusamningur við Hlöðu og settar verði upp stöðvar í Neskaupstað, Eskifirði, Reyðarfirði, Fáskrúðsfirði og Breiðdalsvík. On hefur nú þegar sett upp hraðhleðslustöð á Stöðvarfirði. Endanlegri afgreiðslu vísað til bæjarráðs.

Vegagerðin gerði samkomulag við Fjarðabyggð vegna gerð Norðfjarðagangna um athugun á forðafræði jarðhitasvæðisins Hitaveitu Eskifjarðar. Sviðstjóra veitna falið að vinna málið áfram í samræmi við umræður á fundinum og leggja fyrir að nýju

Atvinnu-og þróunarstjóri kynnir og fer yfir framgang málsins. Fjallað um hagsmuni sveitarfélagsins og þær umsagnir sem fram hafa komið.

425.mál - til umsagnar frumvarp til laga um skipulag haf- og strandsvæða, Atvinnu-og þróunarstjóri kynnir fundinum framgöngu málsins.

Vísað frá bæjarráði til eigna-, skipulags- og umhverfisnefndar.
Framlagður tölvupóstur frá stjórn SÚN um gjöf samvinnufélagsins til Fjarðabyggðar. Samvinnufélagið hefur ákveðið að gefa yfirbyggt töfrateppi að upphæð 20 milljónir kr. til Skíðamiðstöðvarinnar í Oddsskarði. Jafnframt framlagt minnisblað sviðsstjóra framkvæmda- og umhverfissviðs.
Bæjarráð þakkar velvilja Samvinnufélags útgerðarmanna og vísar erindinu til vinnu eigna-, skipulags- og umhverfisnefndar við útfærslu skipulags svæðisins og fjárhagsáætlunargerðar 2019.
Eigna-, skipulags og umhverfisnefnd felur sviðstjóra að vinna málið áfram í samræmi við umræður á fundinum.

Farið yfir þær framkvæmdir sem farið verður í samkvæmt samþykkt um innviða uppbygging á Breiðdalsvík.

Lögð fram fyrirspurn Birkis Böðvarssonar fh. eiganda Strandgötu 82 á Eskifirði, dagsett 12. júní 2018, vegna forkaupsréttar Fjarðabyggðar á húsinu sem nú er í söluferli.
Eigna-, skipulags- og umhverfisnefnd samþykkir að forkaupsréttur verði ekki nýttur.

Nefndin gerir ekki athugasemdir við erindisbréfið og vísar því til afgreiðslu bæjarstjórnar.

Lagt fram til kynningar

Lagt fram bréf Hrefnu Eyþórsdóttur fh. áhugahóps um fjölskyldu og útivistarsvæði á Fáskrúðsfirði, dagsett 12. júní 2018, þar sem upplýst er að hópurinn hafi nú fjármagnað kaup á leiktækjum sem fyrirhugað er að setja upp í fjölskyldugarðinum í Skrúðgarinum á Fáskrúðsfirði.
Eigna-, skipulags- og umhverfisnefnd fagnar framtaksemi áhugahópsins og samþykkir nefndin að greiða flutningskostnað leiktækjanna. Nefndin felur umhverfisstjóra að útfæra með hópnun verkáætlun á uppsetningu tækjanna í samræmi við framtíðarsýn fjölskyldugarðsins.

Lagður fram póstur G.Skúlasonar ehf, dagsettur 30. maí 2018, þar sem óskað er eftir að lóð fyrirtækisins að Vindheimanaust 8 á Norðfirð verði stækkuð samkvæmt gildandi deiliskipulagi.
Eigna-, skipulags- og umhverfisnefnd samþykkir umsóknina fyrir sitt leyti og vísar endanlegri afgreiðslu til bæjarráðs.

Vísað frá hafnarstjórn til umfjöllunar eigna-, skipulags- og umhverfisnefndar erindi Fiskmarkaðar Austurlands þar sem óskað er eftir heimild til að nýta hluta lóðar hafnarstjórnar að Naustahvammi 76 á Norðfirð undir húsnæði fiskmarkaðarins. Samþykki hafnarstjórnar vegna erindisins liggur fyrir.
Eigna-, skipulags- og umhverfisnefnd samþykkir að óveruleg breyting verði gerð á deiliskipulagi Naust 1, Norðfjarðarhöfn og nágrenni þannig að gert verði ráð fyrir lóð undir starfsemi fiskmarkaðarins.

Lögð fram lóðarumsókn Brynju Bjargar Vilhjálmsdóttur, dagsett 18. júní 2018, þar sem sótt er um lóðina við Sæbakka 19 undir einbýlishús.
Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

Lagt fram bréf Magnúsar Helgasonar fh. Launafls ehf, dagsett 12. júní 2018, Þar sem sótt er um framlengingu á stöðuleyfi fyrir gámaeiningar á lóð fyrirtækisins að Hrauni 3.
Eigna-, skipulags- og umhverfisnefnd frestar afgreiðslu og felur skipulags- og byggingarfulltrúa að óska frekari upplýsinga frá Launafli ehf.

Lögð fram byggingarleyfisumsókn Önnu Berg Samúelsdóttur, dagsett 14. júní 2018, þar sem sótt er um leyfi til útlitsbreyta húsi hennar að Hjallavegi 5 á Reyðarfirði með því að síkka stofuglugga að gólfi og setja þar rennihurð.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að tilkynna umsækjanda um afgreiðslu nefndarinnar.

Lögð fram byggingarleyfisumsókn Grétars Arnar Sigfinnssonar, dagsett 22. júní 2018, þar sem sótt er um leyfi til að byggja 40 m2 sólpall með skyggni yfir við bílskúr og 25 m2 sólpall með 1,8 m skjólgirðingu og heitum potti við húss hans að Gilsbakka 14 á Norðfirði. Þá er gert ráð fyrir varmadælum á bílskúr og íbúðarhús.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að tilkynna umsækjanda um afgreiðslu nefndarinnar.

Lögð fram byggingarleyfisumsókn Kaupfélags Fáskrúðsfirðinga svf, dagsett 27. apríl 2018, þar sem sótt er um leyfi til að útbúa gististað í flokki II á fyrstu hæð húsnæðis félagsins að skólavegi 59 á Fáskrúðsfirði. Gert er ráð fyrir gististað án veitinga með takmarkaða þjónustu. Gerð verða fjórtán herbergi með möguleika fyrir allt að 28 rúmum. Aðalhönnuður er Elís B. Eirkíksson.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að tilkynna umsækjanda um afgreiðslu nefndarinnar.

Lögð fram byggingarleyfisumsókn hafnarsjóðs Fjarðabyggðar, dagsett 4. júní 2018, þar sem óskað er eftir samþykki á byggingaráformum vegna 54 m2 og 110,9 m3 aðstöðuhúsi sem staðsett yrði á Útkaupsstaðartúni á Eskifirði. Húsið er hugsað sem aðstöðuhús fyrir ferðamenn og þá sérstaklega þá sem koma með skemmtiferðaskipum til Eskifjarðar. Aðalhönnuður er Þórhallur Pálsson
Eigna-, skipulags- og umhverfisnefnd frestar afgreiðslu

Lagður fram til kynningar úrskurður úrskurðanefndar umhverfis- og auðlindamála vegna kæru eiganda varðandi afturköllun á leyfi fyrir breyttri skráningu matshluta 0201 að Búðavegi 35 á Fáskrúðsfirði. Málinu var vísað frá úrskurðanefndinni.

Lögð fram byggingarleyfisumsókn Bjarna Kristjánssonar, dagsett 1. júní 2018, þar sem sótt er um leyfi til að byggja 60 m2 sólpall við húss hans að Miðdal 9 á Eskifirði. Samþykki annara eiganda liggur fyrir.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að tilkynna umsækjanda um afgreiðslu nefndarinnar.

Lögð fram byggingarleyfisumsókn Elíasar Jónssonar, dagsett 17. apríl 2018, þar sem sótt er um leyfi til að byggja 31,7 m2 og 112.7 m3 sumarhús að Kirkjubóli 2 í Vaðlavík. Húsið var byggt 1997 en hefur verið óskráð fram að þessu. Aðalhönnuður er Steindór Stefánsson.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að tilkynna umsækjanda um afgreiðslu nefndarinnar.

Lögð fram byggingarleyfisumsókn Guðbjargar M. Kristjánsdóttur, dagsett 14. júní 2018, þar sem sótt er um leyfi til að stækka þvottahús og útlitsbreyta húsi hennar að Hæðargerði 33 á Reyðarfirði. Aðalhönnuður er Steindór Stefánsson.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að tilkynna umsækjanda um afgreiðslu nefndarinnar.

Lögð fram byggingarleyfisumsókn Fjarðabyggðar, dagsett 26. júní 2018, þar sem sótt er um leyfi til að steypa undirstöður og gólfplötu Leiksólans Lyngholts vegna stækkunar anddyris ásamt lögnum úr sal og fituskilju.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að tilkynna umsækjanda um afgreiðslu nefndarinnar.