Eigna- skipulags- og umhverfisnefnd

Auglýsingartíma vegna Aðalskipulag Breiðdalshrepps 2018-2030 er lokið. Athugasemdir bárust frá átta einstaklingum og umsagnaraðilum. Lögð fram umsögn vegna athugasemda og tillaga að afgreiðslu, dagsett 9. júlí 2018.
Eigna-, skipulags- og umhverfisnefnd samþykkir að greinagerð og uppdrætti verði breytt í samræmi við tillögu. Um er að ræða minniháttar breytingar og lagfæringar sem ekki eiga við megin atriði aðalskipulagsins. Eigna-, skipulags- og umhverfisnefnd samþykkir Aðalskipulag Breiðdalshrepps 2018-2030 fyrir sitt leyti og vísar endanlegri afgreiðslu til bæjarstjórnar.

Lagðar fram tilögur veitustjóra um staðsetningu hleðslustöðva fyrir rafbíla á Breiðdalsvík, Fáskrúðsfirði, Reyðarfirði, Eskifirði og Neskaupstað.
Eigna-, skipulags- og umhverfisnefnd samþykkir staðsetningar hleðslustöðva fyrir rafbíla á Reyðarfirði við Hafnargötu 2, á Eskifirði austan við Valhöll og í Neskaupstað á bílastæði neðan Hafnarbrautar á móts við gangbraut milli Hafnarbrautar 2 og 4. Veitustjóra falið að útfæra nánar staðsetningar á Fáskrúðsfirði og Breiðdalsvík og leggja fyrir nefndina að nýju.

Lögð fram til kynningar, fyrir auglýsingu, tillaga að breytingu á Aðalskipulagi Fljótsdalshéraðs 2008-2028 vegna Kröflulínu 3.
Eigna-, skipulags- og umhverfisnefnd gerir ekki athugasemdir við tillöguna.

Lögð fram tillaga að óverulegri breytingu á deiliskipulagi Naust 1, breyting við Landanaust, dagsett 5. júlí 2018.
Eigna-, skipulags- og umhverfisnefnd samþykkir breytinguna fyrir sitt leyti og vísar endanlegri afgreiðslu til bæjarstjórnar.

Lagt fram ódagsett bréf Guðna Þórs Elíssonar þar sem leitað er eftir afstöðu eigna-, skipulags- og umhverfisnefndar á stækkun á bílskúr á húsi hans að Langadal 11 á Eskifirði.
Eigna-, skipulags- og umhverfisnefnd getur ekki fallist á að bílskúr verði stækkaður vegna göngustígs milli lóða Langadals og Skammadals.

Lögð fram byggingarleyfisumsókn Þorfinns S. Hermannssonar, dagsett 1. apríl 2018, þar sem sótt er um leyfi til að breyta rishæð í íbúð með kvisti í húsnæði hans að Egilsbraut 19 á Norðfirði. Aðalhönnuður er Steindór Stefánsson.
Eigna-, skipulags- og umhverfisnefnd samþykkir byggingaráformin og felur skipulags- og byggingarfulltrúa að tilkynna umsækjanda um afgreiðslu nefndarinnar.

Lögð fram byggingarleyfisumsókn Lukasz Wisniewski, dagsett 13. júní 2018, þar sem sótt er um leyfi til að laga þak og einangra og klæða að utan hús hans að Búðavegi 37a á Fáskrúðsfirði. Umsögn Minjastofnunar liggur fyrir.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að tilkynna umsækjanda um afgreiðslu nefndarinnar.

Lagður fram póstur Kristínar Hávarðardóttur fh. Þróttar, dagsettur 1. júlí 2018, þar sem óskað er eftir heimild til að staðsetja ærslabelg við tjaldsvæðið ofan byggðarinnar á Norðfirði.
Eigna-, skipulags- og umhverfisnefnd samþykkir umsóknina og felur umhverfisstjóra að útfæra nánar staðsetningu ærslabelgs á svæði A.

Lagður fram póstur Jóns Ólafs Eiðssonar fh. Foreldrafélags Grunnskóla Reyðarfjarðar, dagsettur 2. júlí 2018, þar sem óskað er eftir heimild til að staðsetja ærslabelg innan lóðar Grunnskóla Reyðarfjarðar. Samþykki skólastjórnanda liggur fyrir.
Eigna-, skipulags- og umhverfisnefnd samþykkir umsóknina.

Lagður fram póstur Vegagerðarinnar þar sem óskað er eftir efnistökuheimild úr námu E9 við Eyri í Reyðarfirði. Reiknað er með 6-800 m3 efnistöku sem verður ekið út sem slitlagi í vegi jafnóðum. Samþykki landeiganda liggur fyrir.
Eigna-, skipulags- og umhverfisnefnd samþykkir efnistökuna.

Eigna-, skipulags- og umhverfisnefnd skipar eftirfarandi aðila í landbúnaðarnefnd kjörtímabilið 2018 til 2022.
Aðalmenn:
Sigurður Baldursson, formaður og fjallskilastjóri, Ármann Elísson, varafjallskilastjóri, Sigurður Borgar Arnaldsson, Marsibil Erlendsdóttir, Gunnlaugur Ingólfsson.
Til vara: Guðný Harðardóttir, Halldór Jóhannsson, Þórhalla Ágústdóttir, Þuríður Lillý Sigurðardóttir og Steinn Björnsson