Eigna- skipulags- og umhverfisnefnd

Umhverfisstjóri leggur fyrir eigna-, skipulags- og umhverfisnefnd hugmyndir Rótarýklúbbsins í Neskaupstað á útfærslu fuglaskiltis við strandlengju bæjarins. Staðsetning skiltis ásamt hönnun er og verður unnin í samvinnu við umhverfisstjóra.

Eigna- skipulags- og umhverfisnefnd felur verkefnastjóra umhverfismála að vinna að þeirri tillögu sem hér var lögð fyrir.

Sótt er um leyfi til að setja ærslabelg á Balann á Stöðvarfirði.
Eigna-, skipulags- og umhverfisnefnd samþykkir umsóknina og felur umhverfisstjóra að útfæra nánar staðsetningu ærslabelgs

Kynnt frumathugun og gagnaöflun á orkuígildismælingum fyrir hitaveitur sem var unnin eftir forskrift veitustjóra. Í dag er innheimt fyrir heitt vatn á Eskifirði samkvæmmt rúmmálsmælingum með rennslismælum. Athugunin snýst um orkumælingu miðað við fast bakrásarhitastig og breytingu á innheimtuaðferð fyrir notkun á heitu vatni. Veitustjóra falið að vinna áfram að málinu.

Lögð fram ný drög að samningi við Rarik um sameign á ljósleiðarastreng á Fáskrúðsfirði. Nefndin samþykkir drögin fyrir sitt leiti og felur sviðstjóra veitna að ganga frá samningi við Rarik og leggja fyrir bæjarráð til samþykktar.

Eigna- skipulags- og umhverfisnefnd fór yfir stöðu verkefna og stöðu fjárheimildir. Sviðstjóra falið að vinna þær áfram í samræmi við umræður á fundinum

Drög að frumvarpi um nýja stofnun sem ætlað er að hafa með höndum umsýslu allra þjóðgarða á Íslandi og annarra friðlýstra svæða auk almennrar náttúruverndar er nú komið til umsagnar í samráðsgátt Stjórnarráðsins. Frestur til umsagna er til 5.september.
Eigna-, skipulags- og umhverfisnefnd felur umhverfisstjóra að vinna að málinu í samræmi við umræður á fundinum og leggja fyrir að nýju.