Eigna- skipulags- og umhverfisnefnd

Stjórn SSA hefur kallað saman starfshóp sem endurskoðar fjallskilasamþykkt Múlasýslna. Í 26. gr. fjallskilasamþykkt eru tilgreindar aðalréttir og aukaréttir fjallskiladeilda. Óskaði stjórn SSA eftir því að sveitarfélagið upplýsti ef einhverjar breytingar hefðu orðið frá því sem getið er í núverandi fjallskilasamþykkt.
Lag fram minnisblað umhverfisstjóra, dagsett 26. nóvember 2018, um fyrirkomulag aðal- og aukarétta í Fjarðabyggð samkvæmt tillögum landbúnaðarnefndar.
Eigna-, skipulags- og umhverfisnefnd frestar afgreiðslu.

Lögð fram til kynningar framkvæmdaáætlun umhverfisstjóra vegna hreinsunar í hverfum bæjarins, með sérstaka áherslu á bílhræ. Fjallað hefur verið um áætlunina í bæjarráði

Lögð fram til kynningar, fyrir auglýsingu, tillaga að breytingu á Aðalskipulagi Seyðisfjarðarkaupstaðar 2010-2030 vegna breyttra skilmála landnotkunar á atvinnu- og iðnaðarsvæðum og íbúðarsvæðum. Einnig er gerð breyting á landnotkun í Lönguhlíð úr frístundabyggð í verslunar- og þjónustusvæði.
Eigna-, skipulags- og umhverfisnefnd gerir ekki athugasemdir við tillöguna.

Lögð fram til kynningar tillaga að breytingu á deiliskipulagi Leiru 1, iðnaðar- og hafnarsvæði sunnan Strandgötu á Eskifirði, breyting vegna stækkunar hafnarsvæðis, ásamt umhverfisskýrslu.
Eigna-, skipulags- og umhverfisnefnd vísar tillögunni til umsagnar hafnarstjórnar.

Lögð fram lóðarumsókn Rarik ohf, dagsett 23. nóvember 2018, þar sem sótt er um lóð við Naustahvamm á Norðfirði undir spennistöð.
Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu. Nefndin samþykkir jafnframt að lóðin verði númer 46 við Naustahvamm og að fengnu samþykki bæjarráðs á lóðarúthlutun verði óveruleg breyting gerð á deiliskipulagi Naust 1 þar sem gert verði ráð fyrir lóðinni.

Lögð fram lóðarumsókn Rarik ohf, dagsett 23. nóvember 2018, þar sem sótt er um lóð við Hafnargötu á Eskifirði undir spennistöð.
Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu. Lóðin er við Hafnargötu 10 samkvæmt tillögu að deiliskipulagi Leiru 1.

Lögð fram umsókn Þorfinns Hermannssona og Jófríðar Gilsdóttur, dagsett 26. nóvember 2018, þar sem óskað er eftir endurnýjun lóðarleigusamnings lóðar þeirra að Egilsbraut 19 á Norðfirði. Lögð fram tillaga að lóðarblaði.
Eigna-, skipulags- og umhverfisnefnd samþykkir að lóðarleigusamningur verði endurnýjaður í samræmi við lóðarblað.

Lögð fram umsókn Hafnarsjóðs Fjarðabyggðar, dagsett 26. nóvember 2018, þar sem óskað er eftir endurnýjun lóðarleigusamnings lóðar Hafnarsjóðs að Strandgötu 104 á Eskifirði. Lögð fram tillaga að lóðarblaði.
Eigna-, skipulags- og umhverfisnefnd samþykkir að lóðarleigusamningur verði endurnýjaður í samræmi við lóðarblað.

Lögð fram umsókn Eiríks Simonsen, dagsett 23. október 2018, þar sem óskað er eftir endurnýjun lóðarleigusamnings lóðar hans að Strandgötu 2 á Norðfirði. Lögð fram tillaga að lóðarblaði.
Eigna-, skipulags- og umhverfisnefnd samþykkir að lóðarleigusamningur verði endurnýjaður í samræmi við lóðarblað.

Lögð fram umsókn Björns Óskars Einarssonar, dagsett 30. nóvember 2018, þar sem óskað er eftir endurnýjun lóðarleigusamnings og stækkun lóðar hans að Austurvegi 65 á Reyðarfirði.
Eigna-, skipulags- og umhverfisnefnd samþykkir, fyrir sitt leyti, stækkun lóðar og að lóðarleigusamningur verði endurnýjaður. Endanlegri afgreiðslu vegna stækkunar lóðar er vísað til bæjarráðs.

Lögð fram að nýju eftir grenndarkynningu byggingarleyfisumsókn Fjarðabyggðar, dagsett 26. september 2018, þar sem sótt er um leyfi til að byggja við og breyta að hluta innra skipulagi Leikskólans Lyngholts á Reyðarfirði þannig að þar verði gert ráð fyrir sex deilda leikskóla fyrir allt að 110 nemendur. Aðalhönnuður er Sigurður Harðarson hjá Batteríið Arkitektar. Engar athugasemdir voru gerðar við grenndarkynningu.
Eigna-, skipulags- og umhverfisnefnd samþykkir byggingaráformin og felur skipulags- og byggingarfulltrúa að tilkynna umsækjanda um afgreiðslu nefndarinnar.

Lögð fram fyrirspurn Björgvins Erlendssonar fh. Fjarðaþrifa ehf, dagsett 22. nóvember 2018, þar sem athugaður er möguleikinn á að breyta iðnaðarhúsnæði að Strandgötu 12a á Eskifirði í smærri íbúðir til langtímaleigu. Lagðar fram tillöguteikningar Sniddu Arkitektastofu að íbúðum við Strandgötu dagsettar 22. nóvember 2018. Lagt fram minnisblað skipulags- og byggingarfulltrúa vegna skipulagsmála á svæðinu við Strandgötu 12a, dagsett 3. desember 2018.
Eigna-, skipulags- og umhverfisnefnd telur að breyting húsnæðisins að Strandgötu 12a úr iðnaðarhúsnæði í íbúðir til langtímaleigu samræmist ekki skipulagsskilmálum svæðisins.

Staða máls kynnt

Lögð fram framkvæmdaleyfisumsókn Fjarðabyggðarhafna, dagsett 30. nóvember 2018, þar sem sótt er um leyfi til að gera 28 fm trébryggju auk landgangs í krika á móts við Fiskmarkað Austurlands innan Eskifjarðarhafnar. Tilgangur bryggjunnar er að skapa aðstöðu fyrir olíuafgreiðslu smábáta.
Eigna-, skipulags- og umhverfisnefnd samþykkir umsóknina og felur skipulags- og byggingarfulltrúa að gefa út framkvæmdaleyfi.

Lögð fram umsókn Rarik ohf um leyfi fyrir lagningu rafstrengja í jörð við Hafnargötu á Eskifirði, dagsett 20. nóvember 2018. Um er að ræða strenglagnir í tengslum við nýja spennistöð við götuna.
Eigna-, skipulags- og umhverfisnefnd samþykkir lagningu rafstrengja og felur skipulags- og byggingarfulltrúa að gefa út leyfi að fengnu samþykki bæjarráðs vegna lóðarúthlutunar fyrir spennistöð.

Lögð fram umsókn Rarik ohf um leyfi fyrir lagningu rafstrengja í jörð við Naustahvamm á Norðfirði, dagsett 23. nóvember 2018. Um er að ræða strenglagnir í tengslum við nýja spennistöð við götuna.
Eigna-, skipulags- og umhverfisnefnd samþykkir lagningu rafstrengja og felur skipulags- og byggingarfulltrúa að gefa út leyfi að fengnu samþykki bæjarráðs vegna lóðarúthlutunar fyrir spennistöð.

Lögð fram stöðuleyfisumsókn Ara Benediktssonar/Mannvits hf fh. Eimskips, dagsett 21. nóvember 2018, þar sem sótt er um endurnýjun stöðuleyfis fyrir starfsmannaaðstöðu Eimskips í gámaeiningum innan hafnarsvæðis Mjóeyrarhafnar.
Eigna-, skipulags- og umhverfisnefnd samþykkir endur útgáfu stöðuleyfis til tólf mánaða, en óskar eftir að hafnarstjórn noti árið til að skipuleggja í samráði við hagsmunaraðila á svæðinu framtíðarlausn að aðstöðu fyrir starfsmenn á hafnarsvæðinu við Mjóeyrarhöfn, hvort sem um er að ræða verktaka eða starfsmenn hafnarinnar.

Farið yfir stöðu málsins.
Bæjarstjóra og skipulags- og byggingarfulltrúa falið að ganga til samninga við landeiganda.

Lögð fram beiðni Matvælastofnunar um umsögn vegna eldis á allt að 20.800 tonna framleiðslu Fiskeldis Austfjarða á laxi í Berufirði og Fáskrúðsfirði dagsett 27. nóvember 2018. Lagt fram minnisblað umhverfisstjóra, atvinnu- og þróunarstjóra, skipulags- og byggingarfulltrúa og hafnarstjóra vegna beiðnar Matvælastofnunar um umsögn, dagsett 30. nóvember 2018.
Eigna-, skipulags- og umhverfisnefnd felur bæjarstjóra og atvinnu- og þróunarstjóra að óska eftir frekari skýringum frá Matvælastofnun í ljósi umræðna á fundinum. Jafnframt verði óskað eftir fresti til að skila umsögn.