Eigna- skipulags- og umhverfisnefnd

Lögð fram til kynningar drög að umhverfisstefnu Fjarðabyggðar 2018-2022 í samræmi við bókun 206. fundar nefndarinnar þann 13. júní 2018.
Eigna-, skipulags- og umhverfisnefnd mun fjalla um málið að nýju á næsta fundi.

Lögð fram til kynningar samantekt um efnistökusvæði í Fjarðabyggð ásamt þeim svæðum þar sem framkvæmdaleyfi vegna efnistöku eru í gildi.
Eigna-, skipulags- og umhverfisnefnd felur Skipulags- og byggingarfulltrúa og umhverfisstjóra að vinna málið áfram og leggja fyrir nefndina að nýju.

Lagt fram minnisblað umhverfisstjóra um fyrirkomulag refa -og minkaveiða fyrir tímabílið 2017 til 2018, dagsett 10. desember 2018. Lagt er til að horfið verði frá því fyrirkomulagi að ráða veiðimenn til eins árs en þess í stað verði ráðið til nokkurra ára í senn.
Eigna-, skipulags- og umhverfisnefnd samþykkir að fyrirkomulagi vegna ráðninga verði breytt í samræmi við tillögur umhverfisstjóra. Jafnframt verði gjaldskrá endurskoðuð og lögð fyrir nefndina ásamt samningsdrögum við veiðimenn.

Lögð fram umsókn Víglundar Jóns Gunnarssonar, dagsett 6. febrúar 2019, um leyfi til að setja leiðbeinandi skilti fyrir Verslunina Pan. Á gatnamótum Egilsbrautar og hafnarafleggjara. Staðsett á graseyju við Egilsbraut.
Eigna-, skipulags- og umhverfisnefnd getur ekki samþykkt uppsetningu skilta utan lóðarmarka.

Lögð fram ódagsett fyrirspurn Héðins I. Gunnarssonar Michelsen, þar sem óskað er eftir áliti nefndarinnar á því hvort leyfi fáist til að byggja 52 fm einingahús neðan vegar yst á Hlíðargötu á Fáskrúðsfirði. Ekkert deiliskipulag er til staðar á svæðinu eða afmarkaðar lóðir.
Eigna-, skipulags- og umhverfisnefnd telur að bygging af þessari gerð og stærð geti rúmast á umræddu svæði.

Lögð fram til kynningar kynning á snjóflóðaráðstefnu sem verður á Siglufirði 3-5 apríl næstkomandi. Fulltrúar bæjarráðs munu sækja ráðstefnuna ásamt sviðsstjóra framkvæmdasviðs. Vísað til kynningar í eigna- skipulags- og umhverfisnefnd frá bæjarráði.