Eigna- skipulags- og umhverfisnefnd

Framlögð drög framkvæmda- og viðhaldsáætlunar Fjarðabyggðar og stofnana fyrir árið 2020. Farið yfir stöðu framkvæmda og fjármögnun þeirra til samræmis við fjárhagsáætlun 2020.
Eigna-, skipulags- og umhverfisnefnd felur sviðsstjóra framkvæmdasviðs og fármálastjóra að vinna áfram áætlun um forgangsröðun viðhaldsverkefna og leggja fyrir nefndina að nýju.

Lagt fram minnisblað framkvæmdasviðs vegna viðhalds á þaki Réttarholts 1-3, dagsett 24. janúar 2020.
Eigna-, skipulags- og umhverfisnefnd samþykkir að verðfyrirspurn verði gerð í samræmi við minnisblað vegna viðhalds á þaki Réttarholts 1-3.

Lagt fram að nýju bréf landeiganda Óseyrar í Stöðvarfirði varðandi lausagöngu fjár á jörðinni, lausagöngu fjár í Stöðvarfirði og lausagöngu fjár í Fjarðabyggð, dagsett 23. september 2019.Lögð fram uppfærð drög umhverfisstjóra að svörum við spurningum bréfritara í samræmi við bókun 250. fundi nefndarinnar þann 10. janúar síðastliðinn.
Eigna-, skipulags- og umhverfisnefnd samþykkir drögin fyrir sitt leyti og vísar þeim til umfjöllunar bæjarráðs.

Lagt fram minnisblað umhverfisstjóra á fyrirkomulagi dýraeftirlits Fjarðabyggðar árið 2019, dagsett 13. janúar 2020. Á siðasta ári var til reynslu nýtt fyrirkomulag þar sem eftirlitið og umsýsla þess var alfarið hjá umhverfis- og skipulagssviði.
Eigna-, skipulags- og umhverfisnefnd samþykkir tillögur í minnisblaði umhverfisstjóra.

Lögð fram umsókn Olíudreyfingar ehf, dagsett 9. janúar 2020, þar sem óskað er eftir endurnýjun lóðarleigusamnings lóðar fyrirtækisins að Óseyri 2 á Reyðarfirði. Lagt fram minnisblað sviðsstjóra umhverfis- og skipulagssviðs, dagsett 22. janúar 2020, um skipulagsmál lóðarinnar við Óseyri 2 á Reyðarfiði.
Eigna-, skipulags- og umhverfisnefnd frestar afgreiðslu.

Lögð fram byggingarleyfisumsókn Paulius Naucius, dagsett 7. janúar 2020, þar sem sótt er um leyfi til byggja 148 fm og 522 rm íbúðarhús á lóð hans við Stekkholt 12 á Fáskrúðsfirði.
Eigna-, skipulags- og umhverfisnefnd samþykkir umsóknina.

Lagt fram til kynningar bréf Samtaka iðnaðarins vegna gjaldtöku stöðuleyfa í Fjarðabyggð, dagsett 23. janúar 2020.

Lagt fram að nýju minnisblað Bjarka Ármanns Oddssonar íþrótta- og tómstundafulltrúa vegna gervigrass í Fjarðabyggðarhöllinni dagsett 7. janúar 2020 ásamt minnisblaði KSÍ vegna úttektar á Fjarðabyggðarhöllinni, dagsett 5. desember 2019.
Eigna-, skipulags- og umhverfisnefnd telur mikilvægt að gervigras Fjarðabyggðarhallarinnar verði endurnýjað og felur sviðsstjóra framkvæmdasviðs að gera tillögu að verkliðum sem hægt er að fella út úr fjárfestingar- og viðhaldsáætlun svo hægt sé að gera ráð fyrir endurnýjun gervigras Fjarðabyggðarhallarinnar 2020. Nefndin frestar afgreiðslu til næsta fundar.

Vísað til kynningar frá bæjarráði til eigna-, skipulags- og umhverfisnefndar minnisblaði íþrótta- og tómstundafulltrúa um málefni Knattspyrnufélags Fjarðabyggðar, dagsett 11. desember 2019.

Lagt fram til kynningar bréf Skipulagsstofnunar, dagsett 14. janúar 2020, varðandi ákvörðun stofnunarinnar um tillögu Hafnarsjóðs Fjarðabyggðar um matsáætlun vegna efnistöku í Hellisfirði í Norðfjarðarflóa. Fallist er á tillöguna með athugasemdum.

Lögð fram til kynningar fundargerð 1. stjórnarfundar Náttúrustofu Austurlands 2020.