Eigna- skipulags- og umhverfisnefnd

Lagt fram bréf Umhverfisstofnunar, dagsett 25. febrúar 2020 þar sem óskað er eftir afstöðu landeigenda til þess hvort áhugi sé fyrir því að taka þátt í viðræðum um friðlýsingu Gerpissvæðisins.
Eigna-, skipulags- og umhverfisnefnd samþykkir að taka þátt í viðræðum um friðlýsingu.

Lagt fram minnisblað umhverfisstjóra vegna fyrirspurnar um örnefnaskráningu í Fjarðabyggð, dagsett 5. mars 2020.
Eigna-, skipulags- og umhverfisnefnd felur umhverfisstjóra að hefja undirbúning að vinnu við skráningu örnefna í sveitarfélaginu í samræmi við minnisblað.

Framlögð framkvæmda- og viðhaldsáætlun Fjarðabyggðar og stofnana fyrir árið 2020. Farið yfir stöðu framkvæmda til samræmis við fjárhagsáætlun 2020.

Lögð fram tillaga sviðsstjóra framkvæmdasviðs að íbúðum sem setja á á sölulista.
Eigna-, skipulags- og umhverfisnefnd samþykkir tillögur sviðsstjóra að upptaldar íbúðir verði settar á sölulista.

Vísað frá bæjarráði til kynningar í eigna-, skipulags-, og umhverfisnefnd minnisblaði bæjarstjóra, dagsettu 28. febrúar 2020, vegna framkvæmda í Egilsbúð.

Lagt fram til kynningar aðalfundarboð Landsamtaka landeiganda á Íslandi sem haldinn verður 19. mars næstkomandi.

Lögð fram áætlun Eflu vegna vinnu við skoðun á umferðaröryggi við grunn- og leikskóla við Heiðarveg á Reyðarfirði.
Eigna-, skipulags- og umhverfisnefnd felur sviðsstjóra umhverfis- og skipulagssviðs að hefja vinnu við skoðun á umferðaröryggi svæðisins í samræmi við áætlun Eflu.

Lögð fram til kynningar fundargerð 154. fundar Heilbrigðiseftirlits Austurlands frá 18. febrúar síðastliðnum.

Lögð fram ódagsett beiðni Reiðveganefndar Hestamannafélagsins Blæs þar sem óskað er eftir heimild til að nýta slóða sem er í landi Fjarðabyggðar norðan golfvallar og vestan við flugvöllinn á Norðfirði undir göngu og reiðleið. Samþykki annarra landeiganda sem slóðinn fer um liggur fyrir.
Eigna-, skipulags- og umhverfisnefnd frestar afgreiðslu.

Lögð fram umsókn Nestaks ehf, dagsett 2. mars 2020, þar sem óskað er eftir endurnýjun lóðarleigusamnings lóðar fyrirtækisins að Hafnarbraut 15 á Norðfirði. Óskað er eftir að lóðin sameinist lóð fyrir tækisins að Hafnarbraut 17. Lögð fram tillaga að lóðarblaði.
Eigna-, skipulags- og umhverfisnefnd samþykkir að lóðirnar verði sameinaðar.

Lögð fram umsókn Fjarðabyggðar, dagsett 28. febrúar 2020, þar sem óskað er eftir endurnýjun lóðarleigusamnings Selness 1 á Breiðdalsvík. Lögð fram tillaga að lóðarblaði.
Eigna-, skipulags- og umhverfisnefnd samþykkir að endurnýjun lóðarleigusamnings.

Lagðar fram til kynningar hugmyndir að skipulagi hafnarsvæðis neðan Strandgötu 38 til 42 en umræddar lóðir eru komnar í eigu Fjarðabyggðar. Gert er ráð fyrir að núverandi byggingar víki.
Eigna-, skipulags- og umhverfisnefnd samþykkir að afmörkun deiliskipulags miðbæjar Eskifjarðar verði breytt þannig að það verði afmarkað af Grjótá til sjávar, Túngötu, Útkaupstaðarbraut, Strandgötu frá Útkaupstaðarbraut og milli Standgötu 42 og 44 til sjávar. Nefndin samþykkir jafnframt að halda áfram með deiliskipulagsvinnu svæðisins frá Grjótá ofan Túngötu, ofan ofanflóðavarna í Grjótá og Lambeyrará, ofan og austan Helgafells og Hátúns og vestan lóðar Strandgötu 64 til sjávar.

Lögð fram byggingarleyfisumsókn Goðaborgar ehf, dagsett 1. mars 2020, þar sem sótt er um leyfi til að gera brú og pall milli húsa fyrirtækisins við Sólvelli 23a og 25 á Breiðdalsvík. Framkvæmdin er í samræmi við samþykkta tillögu Breiðatorgs.
Eigna-, skipulags- og umhverfisnefnd samþykkir umsóknina.

Lögð fram byggingarleyfisumsókn Bjarna Hávarðssonar, dagsett 5. mars 2020, þar sem sótt er um leyfi til að breyta útliti húss hans að Hlíðarendavegi 5a á Eskifirði.
Eigna-, skipulags- og umhverfisnefnd samþykkir umsóknina.

Umræða um niðurstöður af íbúafundi sem haldinn var 3.3.2020 um innviðauppbyggingu á Reyðarfirði.
Bæjarráð hefur samþykkt að skipa starfshóp um uppbyggingu íþróttahús á Reyðarfirði. Hópinn skipa Jón Björn Hákonarson sem jafnframt verður formaður, Dýrunn Pála Skaftadóttir, Einar Már Sigurðarson, Pálína Margeirsdóttir og Sigurður Ólafsson. Jafnframt verður óskað eftir því að Íbúasamtök Reyðarfjarðar og Ungmennafélagið Valur tilnefni einn aðila frá hvoru félagi í starfshópinn. Með hópnum starfar atvinnu- og þróunarstjóri og íþrótta- og tómstundastjóri ásamt öðrum embættismönnum sveitarfélagsins eftir þörfum.
Bæjarráð felur framkvæmdasviði og umhverfis- og skipulagssviði að vinna að lausnum með starfshópnum um uppbyggingu íþróttahúss á Reyðarfirði og leggja fyrir hugmyndir, teikningar og kostnaðargreiningu á slíku mannvirki. Fjármunir sem til koma af sölu Rafveitu Reyðarfjarðar er sú fjárveiting sem lögð er til verksins. Erindinu er vísað til kynningar í eign,- skipulags- og umhverfisnefnda, fræðslunefnd og íþrótta- og tómstundarnefnda.