Eigna- skipulags- og umhverfisnefnd

Lagt fram minnisblað sviðsstjóra umhverfis- og skipulagssviðs vegna fjárhagsáætlunar og framkvæmdaáætlanir sviðsstjóra framkvæmdasviðs.
Eigna-, skipulags- og umhverfisnefnd og sviðsstjórar framkvæmdasviðs og umhverfis- og skipulagssviðs fara yfir fjárhagsáætlanirnar fyrir árið 2021. Nefndin samþykkir áætlanir fyrir sitt leyti og vísar þeim til umfjöllunar í bæjarráði.

Farið yfir skipulagsmál svæðisins og skilmála vegna þjónustuhúss.
Eigna-, skipulags- og umhverfisnefnd felur sviðsstjórum að kynna styrki sem veittir hafa verið til uppbyggingar ferðamannastaðanna, ásamt stöðu framkvæmda og kostanð.

Vísað frá menningar- og nýsköpunarnefnd drögum að ferðamálastefnu fyrir Fjarðabyggð ásamt minnisblaði auk tillögu um að meðal verkefna menningar- og nýsköpunarnefndar verði tjaldsvæði og áfangastaðir ferðamanna í Fjarðabyggð ásamt því að yfirstjórn þeirra verkefna verði falin stjórnsýslu- og þjónustusviði. Bæjarráð hefur staðfestt tillögur um tilfærslu yfirstjórnar tjaldsvæða og áfangastaða.
Bæjarráð hefur einnig samþykkt tillögu í minnisblaði um að skipa teymi á stjórnsýslu- og þjónustusviði sem í sitja forstöðumaður safnastofnunar, forstöðumaður menningarstofu, atvinnu- og þróunarstjóri og upplýsinga- og kynningarfulltrúi. Verkefni hópsins er að skoða og þróa hugmyndir um aðkomu skapandi sumarstarfa í samvinnu við verkefnastjóra skapandi sumarstarfa. Ferðamálastefnu vísað til kynningar í öllum fastanefndum.
Eigna-, skipulags- og umhverfisnefnd telur mikilvægt að umhverfisvæn ferðaþjónusta verði hluti af ferðamálastefnunni.

Lagt fram minnisblað umhverfisstjóra, tillögur í umhverfisátaki í dreifbýli 2020, dagsett 7. júní 2020. Lagt er upp með að aðstoða bændur við það að fá fargað úreltum tækjum og búnaði.
Eigna-, skipulags- og umhverfisnefnd samþykkir framkomnar tillögur og felur umhverfis- og skipulagssviði að koma þeim til framkvæmda.

Lögð fram til kynningar drög að umhverfisstefnu Fjarðabyggðar 2019-2022.
Eigna-, skipulags- og umhverfisnefnd felur umhverfisstjóra að vinna drögin áfram í samræmi við umræðu og leggja fyrir nefndina að nýju.

Lagt fram til kynningar og umsagnar, fyrsti hluti C9 verkefnisins, greining á hagrænum áhrifum friðlýsingar á byggðir.

Lögð fram umsókn Bjarka Franzsonar, dagsett 12. mars 2020, þar sem óskað er eftir endurnýjun lóðarleigusamnings lóðar hans að Heiðarvegi 19 á Reyðarfirði. Lögð fram tillaga að lóðarblaði.
Eigna-, skipulags- og umhverfisnefnd samþykkir að lóðarleigusamningur verði endurnýjaður.