Eigna- skipulags- og umhverfisnefnd

kynnt niðurstaða matsmanns í matsmáli - Tandrastaðir og Fannadalur.

Valgeir Ægir Ingólfsson atvinnu- og þróunarstjóri Fjarðabyggðar fór yfir stöðu verkefnisins Trjákurl til húshitunar.
Eigna-, skipulags- og umhverfisnefnd Felur atvinnu- og þróunarstjóra að vinna málið áfram og leggja fyrir að nýju.

730 Hjallaleira 23- 25 - umsókn um stöðuleyfi. Eigna-, skipulags- og umhverfisnefnd samþykkir stöðuleyfið og felur sviðstjóra umhverfis- og skipulagssviðs að gefa það út.

Breytingar á stoppistöð við Bakkaveg 5 Norðfirði. Eigna-, skipulags- og umhverfisnefnd felur sviðstjóra framkvæmdasviðs að kanna með flutning á stoppistöðinni og ræða við hlutaðeigandi þar um og leggja fyrir nefndina að nýju.

Opnuð tilboð í verkið nýr vatnstankur í Fannardal.
Lagt er til að samið verði við MVA um verkið á tilboði þeirra.
Einnig er lagt til eins og fram kemur í minnisblaði að samið verði við MVA um að þeir byggi báða áfangana og greiðsla fyrir seinni áfangann komi til á árinu 2021. Eigna-, skipulags- og umhverfisnefnd samþykkir að farið verði í verkið á þessum forsendum. vísað til bæjarráðs að nýju.

Tilboð í verkið nýr vatnstankur í Fannardal.
Bæjarráð samþykkir tilboð MVA sem lægstbjóðandi í verkið og felur sviðsstjóra framkvæmdasviðs frágang málsins. Jafnframt er málinu vísað til eigna-, skipulags- og umhverfisnefndar til umsagnar um frávikstilboð.

Tillaga starfshóps um tjaldsvæði tekin til umfjöllunar. Eigna-, skipulags- og umhverfisnefnd mun taka tillögur starfshópsins til frekari umfjöllunar í tengslum við vinnslu fjárhagsáætlunar ársins 2021

Bæjarráð samþykkti á fundi sínum þann 10. júlí tillögu eigna-, skipulags- og umhverfisnefndar um að farið verði í að dúkaleggja sundlaugina á Reyðarfirði vorið 2021 og að sundkennsla verði á Eskifirði á haustönn 2020. Eigna-, skipulags- og umhverfisnefnd felur framkvæmdasviði að vinna málið áfram og málinu vísað til fjárhagsáætlunargerðar 2021.

Bæjarráð samþykkti á fundi sínum 10. júlí að farið verði í jarðvegsframkvæmdir nú í júlí vegna byggingarinnar meðan grunnskólinn er í sumarfríi og þeim lokið áður en hann hefst að nýju og byggingasvæðið þá afgirt til að hægt sé að halda áfram í framkvæmdum á því án þess að trufla skólahald. Þá verði samhliða farið í endanlega hönnun hússins og frekari undirbúning byggingarinnar og verkinu skipt í mismunandi verkþætti sem boðnir verði út samhliða gangi verksins.

Eigna-, skipulags- og umhverfisnefndar ræddi gang framkvæmdarinnar. Verðkönnun vegna jarðvegsframkvæmda fer út á næstu dögum. nefndin leggur áherslu á að hefja jarðvegsframkvæmdir sem fyrst til að þeim ljúki áður en skóli hefst ef kostur er.

Lagt fram til kynningar bréf frá hestamönnum á Reyðarfirði um þverun Fagradalsbrautar við búfjárbyggðina að Kolli í Reyðarfirði. Eigna-, skipulags- og umhverfisnefnd tekur undir áhyggjur hestamann vegna slysahættu af miklum umferðarþunga á Fagradalsbraut.