Eigna- skipulags- og umhverfisnefnd

Kynnt staða dýralæknamála í Fjarðabyggð.

Lagt fram bréf landeiganda Óseyrar í Stöðvarfirði varðandi lausagöngu sauðfjár í Stöðvarfirði, dagsett 1. september 2020, þar sem þess er krafist að sveitarfélagið framfylgi beitarfriðun í Stöðvarfirði.
Eigna-, skipulags- og umhverfisnefnd vísar í svar sveitarfélagsins til landeiganda Óseyrar vegna sambærilegs erindis dagsett 31. janúar 2020.

Lagður fram rammi að fjárhagsáætlun fyrir málaflokka eigna-, skipulags- og umhverfisnefndar á árinu 2021 sem bæjarráð hefur úthlutað. Sviðsstjórum falið að vinna drög að áætlun og leggja fyrir næsta fund nefndarinnar.

Lögð fram umsókn Önnu Herbertsdóttur, dagsett 22. ágúst 2020, þar sem óskað er eftir endurnýjun lóðarleigusamnings lóðar hennar að Breiðabliki 5 á Norðfirði. Lögð fram tillaga að lóðarblaði.
Eigna-, skipulags- og umhverfisnefnd samþykkir að lóðarleigusamningur verði endurnýjaður.

Í kjölfar kynningar forsvarsmanna Tandrabergs ehf á síðasta fundi eigna-, skipulags- og umhverfisnefndar felur nefndin umhverfisstjóra að vinna minnisblað vegna mögulegrar uppsetningar og kostnað við að koma fyrir loftgæðamælum og leggja fyrir nefndina.

Lögð fram til kynningar fundargerð 157. fundar Heilbrigðisnefndar Austurlands frá 1. september 2020.