Eigna- skipulags- og umhverfisnefnd

Lögð fram samantekin vinnugögn vegan svara íbúa, fyrirtækja og landeiganda við könnun vegna endurskoðunar aðalskipulags. Alls bárust 183 svör frá íbúum, 7 frá fyrirtækjum og 8 frá landeigendum. Ráðgjafi Alta fór yfir samantektina.
Eigna-, skipulags- og umhverfisnefnd fagnar góðri þátttöku íbúa og hagaðila, samantektin tekin áfram inn í áframhaldandi skipulagsvinnu.

Lögð fram byggingarleyfisumsókn Ásdísar Sigurðardóttur, dagsett 15. janúar 2021 þar sem sótt er um leyfi til að breyta notkun húsnæðis hennar að Strandgötu 55 á Eskifirði úr atvinnuhúsnæði í íbúð. Samþykki annarra eiganda hússins liggur fyrir.
Eigna-, skipulags- og umhverfisnefnd samþykkir umsóknina.

Lagður fram póstur Egils Helga Árnasonar, dagsettur 14. janúar 2021, þar sem óskað er eftir upplýsingum um hvað bæjaryfirvöld hyggjast gera við lóðina við Strandgötu 98b á Eskifirði.
Eigna-, skipulags- og umhverfisnefnd felur sviðsstjóra umhverfis- og skipulagssviðs að upplýsa bréfritara um fyrirhugaða notkun. Tilgangur kaupanna var að bæta umferðaröryggi og auka möguleika á uppbyggingu safnasvæðis í útbæ Eskifjarðar.