Eigna- skipulags- og umhverfisnefnd

Lögð fram samantekt ráðgjafa vegna þeirra ábendinga og athugasemda sem bárust á kynningartíma á tillögu að endurskoðuðu aðalskipulagi Fjarðabyggðar á vinnslustigi, dagsett 7. maí 2021.
Eigna-, skipulags- og umhverfisnefnd felur sviðsstjóra umhverfis- og skipulagssviðs að klára yfirferð með tillitil til umsagna og leggja fyrir nefndina að nýju.

Lögð fram að nýju byggingarleyfisumsókn Gunnars Viðars Þórarinssonar, dagsett 6. júlí 2020, þar sem sótt er um leyfi til að byggja um 46 m2 og um 210 m3 bílskúr við hús hans að Mánagötu 3 á Reyðarfirði ásamt um 96 m2 sólpalli. Greinagerð um grundun liggur fyrir ásamt lagfærðum uppdráttum.
Eigna-, skipulags- og umhverfisnefnd samþykkir umsóknina.

Lögð fram byggingarleyfisumsókn Hobart ehf. dagsett 13. apríl 2021, þar sem sótt er um leyfi til að byggja 291,7 m2 og 991,2 m3 þriggja íbúða raðhús á lóð fyrirtækisins að Búðarmel 4 a-c á Reyðarfirði.
Eigna-, skipulags- og umhverfisnefnd samþykkir umsóknina.

Lögð fram byggingarleyfisumsókn Hobarts ehf. dagsett 4. maí 2021, þar sem sótt er um leyfi til að byggja 291,7 m2 og 991,2 m3 þriggja íbúða raðhús á lóð fyrirtækisins að Búðarmel 10 a-c á Reyðarfirði.
Eigna-, skipulags- og umhverfisnefnd samþykkir umsóknina.

Lögð fram byggingarleyfisumsókn Einars Sverris Björnssonar. dagsett 4. maí 2021, þar sem sótt er um leyfi til endurgerðar hlöðu á lóð hans að Fagradalsbraut 1 á Reyðarfirði.
Eigna-, skipulags- og umhverfisnefnd samþykkir umsóknina.

Lögð fram byggingarleyfisumsókn Önnu Steinunnar Árnadóttur. dagsett 4. maí 2021, þar sem sótt er um leyfi til að byggja 239,5 m2 og 1029,8 m3 einbýlishús á lóð hennar að Brekkugerði 16 á Reyðarfirði. Jafnframt er sótt um stækkun lóðar um 7 m til austurs.
Eigna-, skipulags- og umhverfisnefnd samþykkir byggingarleyfisumsóknina. Nefndin samþykkir jafnframt stækkun lóðarinnar í samræmi við 3. mgr. 43. gr. skipulagslaga nr. 123/2010.

Lögð fram byggingarleyfisumsókn Helga Rafnssonar. dagsett 4. maí 2021, þar sem sótt er um leyfi til að setja upp 29,5 m2 og 76.7 m3 geymsluskúr á lóð hans að Fögruhlíð 21 á Eskifirði. Um er að ræða gámaeiningu með einhalla þaki sem klædd verður litaðri ljósri klæðningu.
Eigna-, skipulags- og umhverfisnefnd samþykkir umsóknina.

Lögð fram byggingarleyfisumsókn Fjarðabyggðar. dagsett 30. apríl 2021, þar sem sótt er um leyfi til að rífa húsnæði sveitarfélagsins að Skólavegi 44 á Fáskrúðsfirði. Heimild Minjastofnunar Íslands liggur fyrir.
Eigna-, skipulags- og umhverfisnefnd samþykkir umsóknina.

Lögð fram byggingarleyfisumsókn Fjarðabyggðar. dagsett 30. apríl 2021, þar sem sótt er um leyfi til að rífa húsnæði sveitarfélagsins að Skólavegi 42 á Fáskrúðsfirði.
Eigna-, skipulags- og umhverfisnefnd samþykkir umsóknina.

Lögð fram byggingarleyfisumsókn Tærgesen ehf. dagsett 4. mars 2021, þar sem sótt er um leyfi til að breyta skráðri notkun húsnæðis fyrirtækisins að Búðargötu 6 á Reyðarfirði úr byggingarvöruverslun í veitingahús.
Eigna-, skipulags- og umhverfisnefnd samþykkir umsóknina.

Lögð fram lóðarumsókn Eyþórs Dan Sigurðssonar, dagsett 28. apríl 2021, þar sem sótt er um lóð undir parhús við Litlagerði 7 og 9 á Reyðarfirði.
Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

Lögð fram lóðarumsókn Elísabetar Höllu Konráðsdóttur, dagsett 30. apríl 2021, þar sem sótt er um lóð undir hesthús á Kirkjubólseyri 8 og 10 í Norðfirði.
Eigna-, skipulags- og umhverfisnefnd samþykkir, fyrir sitt leyti, að úthluta lóðunum og vísar umsókninni til bæjarráðs til endanlegrar afgreiðslu.

Lögð fram lóðarumsókn Snævars Guðmundssonar, dagsett 2. maí 2021, þar sem sótt er um lóð undir parhús við Stekkjarholt 3 og 5 á Reyðarfirði.
Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

Lögð fram lóðarumsókn Esterar Boateng Tómasdóttur, dagsett 6. maí 2021, þar sem sótt er um lóð undir einbýlishús við Stekkjartún 1 á Reyðarfirði.
Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

Lögð fram umsókn Gísla Gunnarssonar, dagsett 13. apríl 2021, þar sem óskað er eftir endurnýjun lóðarleigusamnings og stækkun lóðar hans að Miðgarði 16a á Norðfirði. Lögð fram tillaga að lóðarblaði.
Eigna-, skipulags- og umhverfisnefnd samþykkir stækkun lóðar að lóðarleigusamningur verði endurnýjaður.

Lögð fram umsókn Smára Einarssonar, dagsett 4. maí 2021, þar sem óskað er eftir endurnýjun lóðarleigusamnings og stækkun lóðar hans að Skólavegi 50a á Fáskrúðsfirði. Lögð fram tillaga að lóðarblaði.
Eigna-, skipulags- og umhverfisnefnd samþykkir endurnýjun lóðarleigusamnings og stækkun til austurs en getur ekki samþykkt stækkun lóðarinnar til norðurs.

Lögð fram stöðuleyfisumsókn Hildibrand slf., dagsett 28. apríl 2021, þar sem óskað er eftir stöðuleyfi fyrir torgsöluhús á lóð fyrirtækisins við Egilsbraut 26 á Norðfirði. Sótt er um leyfi til að láta torgsöluhúsið standa til 6. september 2021.
Eigna-, skipulags- og umhverfisnefnd samþykkir stöðuleyfið.

Lagt fram bréf ábúenda í Fellsási í Breiðdal, dagsett 27. apríl 2021, þar sem óskað er eftir umsögn sveitarfélagsins vegna fyrirhugaða kaupa þeirra á jörðinni sbr. 36. gr. jarðalaga nr. 81/2004 með síðari breytingum.
Eigna-, skipulags- og umhverfisnefnd samþykkir fyrir sitt leyti að jákvæð umsögn verði gefin vegna kaupa á jörðinni. Endanlegri ákvörðun er vísað til bæjarráðs.

Lögð fram til kynningar fundargerð 1. stjórnarfundar Náttúrustofu Austurlands 2021 sem haldinn var 16. apríl síðastliðinn.

Lagðar fram til kynningar fundargerðir 160.- og 161. fundar Heilbrigðisnefndar Austurlands sem haldnir voru 24. febrúar- og 28. apríl síðastliðinn.

Lögð fram drög að vorbæklingi Fjarðabyggðar 2021 til yfirferðar.
Eigna-, skipulags- og umhverfisnefnd samþykkir drögin.