Eigna- skipulags- og umhverfisnefnd

Lagt fram minnisblað umhverfisstjóra, dags. 3. janúar 2022, er varðar tillögu á skipulagi verkefnis er varðar lagfæringu vegslóða út með sunnan verðri Viðfjarðarströndinni.
Eigna-, skipulags- og umhverfisnefnd samþykkir framkomnar tillögur og felur umhverfisstjóra að fylgja verkefninu eftir.

Lögð fram til kynnningar lokaskýrsla Náttúrustofu Austurlands á C9 verkefninu er varðar náttúruvernd og eflingu byggða.

Lagt fram til kynningar minnisblað verkefnastjóra úrgangsmála, dagsett 7. desember 2021, þar sem farið er yfir lagabreytingar um meðhöndlun úrgangs sem koma til framkvæmda næstu 2 árin.

Lagður fram til kynningar samningur Fjarðabyggðar og Vegagerðarinnar um skilavegi í Fjarðabyggð. Eigna- skipulags- og umhverfisnefnd hefur með tölvupóstsamskiptum á milli funda, samþykkt samninginn fyrir sitt leyti. Samningurinn var samþykktur í bæjarráði 22. desember síðastliðinn.

Lögð fram byggingarleyfisumsókn Fjarðabyggðar, dagsett 22. desember 2021, þar sem sótt er um leyfi til að rífa húsnæði sveitarfélagsins að Stekkjargötu 5 á Norðfirði. Samkvæmt deiliskipulagi er um víkjandi byggingu að ræða en gert ráð fyrir allt að fjögurra íbúða fjölbýlishúsi á lóðinni.
Eigna-, skipulags- og umhverfisnefnd samþykkir niðurrif.

Lögð fram lóðarumsókn Sigrúnar Birgisdóttur, dagsett 9. janúar 2022, þar sem sótt er um lóðina við Sólheima 9 á Breiðdalsvík undir einbýlishús.
Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

Lögð fram umsókn Ertingar Eignarhaldsfélags ehf, dagsett 13. desember 2021, þar sem óskað er eftir færslu lóðarmarka lóðar fyrirtækisins að Nesbraut 6 á Reyðarfirði um 23,7 m til vesturs. Lóð Nesbrautar 2-4 hliðrast samhliða. Samþykki lóðarhafa Nesbrautar 2-4 liggur fyrir. Lögð fram tillaga að breyttri legu lóðanna.
Eigna-, skipulags- og umhverfisnefnd samþykkir færslu lóðarmarka.

Lögð fram umsókn Ertingar Eignarhaldsfélags ehf, dagsett 13. desember 2021, þar sem óskað er eftir færslu lóðarmarka lóðar fyrirtækisins að Nesbraut 2-4 á Reyðarfirði um 23,7 m til austurs. Lóð Nesbrautar 6 hliðrast samhliða. Samþykki lóðarhafa Nesbrautar 6 liggur fyrir. Lögð fram tillaga að breyttri legu lóðanna.
Eigna-, skipulags- og umhverfisnefnd samþykkir færslu lóðarmarka.

Lögð fram að nýju umsókn Skútabergs ehf, dagsett 22. nóvember 2021, þar sem óskað er eftir endurnýjun lóðarleigusamnings lóðar fyrirtækisins að Ægisgötu 9 á Reyðarfirði. Lögð fram tillaga að lóðarblaði. Lagt fram minnisblað sviðsstjóra umhverfis- og skipulagssviðs frá síðustu endurnýjun lóðarleigusamnings, dagsett 5. febrúar 2016.
Eigna-, skipulags- og umhverfisnefnd samþykkir að samningur verður endurnýjaður. Nefndin felur jafnframt sviðsstjóra umhverfis- og skipulagssviðs ásamt bæjarstjóra að ganga frá samningi.

Lögð fram umsókn Gunnars Hreindal Pálssonar, dagsett 9. desember 2021, þar sem óskað er eftir endurnýjun lóðarleigusamnings lóðar hans að Austurvegi 5 á Reyðarfirði. Lögð fram tillaga að lóðarblaði.
Eigna-, skipulags- og umhverfisnefnd samþykkir að lóðarleigusamningur verði endurnýjaður.

Lögð fram beiðni Loðnuvinnslunnar hf. um breytingu á læk sem rennur innan og við lóð fyrirtækisins að Hafnargötu 32-34 á Fáskrúðsfirði, dagsett 16. desember 2021. Laga þarf aðkomu að viðbyggingu norðan við húsið með lækkun lands. Til að koma í veg fyrir að lækur fari upp úr farvegi og inn á lóðina er óskað eftir heimild til að breyta og laga farveg.
Eigna-, skipulags- og umhverfisnefnd samþykkir breytingu á læk.

Lögð fram beiðni Kristins Þórs Jónassonar fh. Sjósportsklúbb Austurlands og Bæjarhátíðarinnar Útsæðið, dagsett 13. desember 2021 þar sem óskað er eftir heimild til að hafa áfram tvo 12 m gáma við Bleiksá, þar sem geymslugámar voru áður.
Eigna-, skipulags- og umhverfisnefnd getur ekki fallist á gámarnir verði geymdir áfram á svæðinu við Bleiksá. Hreinsun svæðisins hefur staðið yfir síðan auglýsing um það var birt í október 2021 og öllum þekktum eigendum sent bréf um að fjarlægja ætti alla gáma af svæðinu fyrir 22. nóvember 2021.

Lögð fram til kynningar fundargerð 165. fundar Heilbrigðiseftirlits Austurlands frá 1. desember síðastliðnum.