Eigna- skipulags- og umhverfisnefnd

Kynnt staða innleiðingar grænna skrefa en reiknað er með að innleiðing hefjist um miðjan febrúar.
Eigna-, skipulags- og umhverfisnefnd stefnir á að hafa opinn íbúafund þar sem umhverfis- og loftlagsstefnan verður kynnt, farið yfir hringrásarhagkerfið, fyrirkomulag úrgangsmála hjá sveitarfélaginu og reynslu af nytjamörkuðum
Reiknað er með að fundurinn verði í lok febrúar ef sóttvarna aðstæður leyfa.

Lagt fram til kynningar minnisblað umhverfisstýru er varðar fyrirhuguð hundahlýðninámskeið í Fjarðabyggð á árinu.

Lagðar fram tillögur að lóðaskipulagi vegna þéttingar byggðar í Krossskálavík í Norðfirði milli Hafnarbrautar 34 og 48 og Miðgarðs 9 og 13.
Eigna-, skipulags- og umhverfisnefnd líst vel á framlagðar tillögur að afmörkun íbúðarhúsalóða á svæðinu og samþykkir að lóðum verði úthlutað í samræmi við þær.

Lögð fram lóðarumsókn Sigurðar Steins Einarssonar, dagsett 16. janúar 2022, þar sem sótt er um einbýlishúsalóðirnar við Sæbakka 19 og 21 undir fjögurra íbúða raðhús.
Eigna-, skipulags- og umhverfisnefnd frestar afgreiðslu.

Lögð fram lóðarumsókn Guðna Þórs Elissonar, dagsett 20. janúar 2022, þar sem sótt er um lóð undir geymsluhúsnæði á fyrirhuguðu athafnarsvæði innan við byggðina á Eskifirði og utan gangnamunna Norðfjarðarganga samkvæmt óstaðfestu aðalskipulagi. Umrætt svæði er ódeiliskipulagt.
Eigna-, skipulags- og umhverfisnefnd frestar afgreiðslu lóðarumsóknar. Nefndin felur sviðsstjóra- umhverfis- og skipulagssviðs að hefja undirbúning að gerð deiliskipulags fyrir svæðið í samræmi við ákvæði aðalskipulags.

Lögð fram umsókn Sigurbjörns Marinóssonar um framkvæmdaleyfi, ásamt fylgigögnum, vegna fyrirhugaðrar 6.000 m3 efnistöku á um 6 ha svæði við Fagradalsá í Reyðarfirði. Leyfi Fiskistofu, til 20. janúar 2027 og umsögn Náttúrustofu Austurlands vegna efnistökunnar liggur fyrir.
Eigna-, skipulags- og umhverfisnefnd samþykkir útgáfu framkvæmdaleyfis.

Lögð fram umsókn Fjarðabyggðar um framkvæmdaleyfi, ásamt fylgigögnum, vegna fyrirhugaðrar
lagfæringar á steinum sem raðað hefur verið í Eskifjarðará til að hækka vatnsborð á nærsvæði Vatnsveitu Fjarðabyggðar á Eskifirði. Leyfi Fiskistofu vegna lagfæringanna liggur fyrir.
Eigna-, skipulags- og umhverfisnefnd samþykkir útgáfu framkvæmdaleyfis.

Lögð fram beiðni Kristins Þórs Jónassonar fh. Sjósportsklúbb Austurlands og Bæjarhátíðarinnar Útsæðið, dagsett 18. janúar 2022 þar sem óskað er eftir heimild til að geyma tvo 12 m gáma á Símonartúni utan við þéttbýlið á Eskifirði. Samkvæmt óstaðfestu aðalskipulagi er gert ráð fyrir athafnarsvæði á svæðinu við Símonartún. Samkvæmt gildandi deiliskipulagi svæðisins er gert ráð fyrir hesthúsum og frístundabúskap á svæðinu.
Eigna-, skipulags- og umhverfisnefnd frestar afgreiðslu og felur sviðsstjóra umhverfis- og skipulagssviðs að fara yfir skipulagsskilmála svæðisins og mögulegan kostnað.

Lagðar fram teikningar af viðbyggingu við leikskólann Dalborg þar sem gert er ráð fyrir útboði viðbyggingar fullbúinnar að utan.
Eigna-, skipulags- og umhverfisnefnd samþykkir breytt útboðsfyrirkomulag. Endanlegri ákvörun um útboð er vísað til afgreiðslu bæjarráðs.

Lagt fram til kynningar skipunarbréf Magnúsar Jóhannessonar sem hefur verið skipaður formaður svæðisráðs sem hefur það hlutverk að vinna að gerð strandsvæðisskipulags fyrir Austfirði sbr. lög um skipulag haf- og strandsvæða, nr. 88/2018.