Eigna- skipulags- og umhverfisnefnd

Lagt fram minnisblað umhverfisstýru, dags. 31. mars 2022, er varðar samninga refa- og minkaveiðifólks í Fjarðabyggð.
Eigna-, skipulags- og umhverfisnefnd samþykkir óbreytt fyrirkomulag er varðar samninga.

Formaður kynnir tillögu að svæðisskipulagi Austurlands og umhverfismatsskýrsla hennar hefur verið birt til kynningar og umsagnar í samráðsgátt stjórnvalda og á vef Austurbrúar og Fjarðabyggðar og verður aðgengileg þar til og með 21. apríl næstkomandi. Kynningin er á grundvelli 2. mgr. 23. gr. skipulagslaga nr. 123/2010 og 13. og 14. gr. laga um umhverfismat framkvæmda og áætlana nr. 111/2021.

Lögð fram beiðni Múlaþings um umsögn við vinnslutillögu vegna rammahluta Aðalskipulags Fljótsdalshéraðs 2008-2028 fyrir ferðaþjónustu- og áfangastaðinn Stuðlagil á Jökuldal.
Eigna-, skipulags- og umhverfisnefnd gerir ekki athugasemdir við tillögurnar.

Lögð fram tillaga að deiliskipulagi Dals, athafnasvæðis. Skipulagssvæðið er um 4,8 ha að stærð og er staðsett inn í dal á Eskifirði eða rétt sunnan megin við gangnamunna Norðfjarðarganga og austan megin Norðfjarðarvegar. Aðkoma að skipulagssvæðinu er frá Dalbraut. Á svæðinu er gert ráð fyrir 23. lóðum undir athafnarstarfsemi og léttan iðnað.
Eigna-, skipulags- og umhverfisnefnd samþykkir fyrir sitt leyti að auglýsa tillöguna sbr. 41. gr. skipulagslaga nr. 123/2010. Nefndin samþykkir jafnframt að breyta deiliskipulagi Norðfjarðarvegar og nágrennis að gangnamunna á Eskifirði þannig að hluti þess sem nær inn á skipulagssvæði Dals, athafnasvæðis verði felldur úr gildi. Endanlegri afgreiðslu er vísað til bæjarstjórnar.

Lögð fram fyrirspurn Síldarvinnslunnar um deiliskipulag.
Eigna-, skipulags- og umhverfisnefnd felur sviðsstjóra að svara erindinu í samræmi við umræðu á fundinum.

Lögð fram lóðarumsókn Fjarðabyggðar fh. Brákar hses, dagsett 30. mars 2022, þar sem sótt er um lóðina við Árdal 17 á Eskifirði undir parhús.
Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

Lögð fram lóðarumsókn Fjarðabyggðar fh. Brákar hses, dagsett 30. mars 2022, þar sem sótt er um lóðina við Hafnarbraut 40 á Norðfirði undir fjögurra íbúða fjölbýlishús á tveimur hæðum.
Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

Lagt fram ódagsett erindi Shenouda Hanna Kamal þar sem óskað er eftir kaupum á húsnæðinu að Teigagerði í Reyðarfirði ásamt kaupum eða leigu á um 500 m2 landi undir húsnæðið. Áætlað er að gera húsnæðið upp og nýta sem geymslu.
Eigna-, skipulags- og umhverfisnefnd getur ekki samþykkt sölu hússins þar sem gert er ráð fyrir að Skógræktarfélag Reyðarfjarðar hafi þar aðstöðu.