Félagsmálanefnd

Við 42. gr. laga um félagsþjónstu er að finna nýja málsgrein sem er svohljóðandi: "Í hverju sveitarfélagi, eða í sveitarfélögum sem eiga samstarf um þjónustu við fatlað fólk, skal starfa formlegur samráðsvettvangur er nefnist samráðshópur um málefni fatlaðs fólks, þar sem fjallað er um þjónustu við fatlað fólk og framkvæmd og þróun þjónustunnar. Í samráðshópnum skulu að lágmarki sitja þrír fulltrúar kosnir af sveitarstjórn að loknum sveitarstjórnarkosningum og þrír fulltrúar tilnefndir af hagsmunasamtökum fatlaðs fólks. Eigi tvö eða fleiri sveitarfélög samstarf um þjónustu við fatlað fólk skulu viðkomandi sveitarfélög og hagsmunasamtök fatlaðs fólks á þjónustusvæðinu koma sér saman um samsetningu hópsins." Huga þarf að formlegri skipun í samráðshópinn. Vísað til félagsmálanefndar til afgreiðslu. Félagsmálanefnd felur félagsmálastjóra að vinna málið áfram í samráði við félagsmálastjóra Fljótsdalshéraðs.

Framlögð er umsókn og greinagerð varðandi stuðningsfjölskyldu í málefnum fatlaðra til meðferðar og afgreiðslu í félagsmálanefnd.
Félagsmálanefnd samþykkir umsókn um að gerast stuðningsforeldri.

Framlögð er styrkbeiðni vegna Stígamóta til meðferðar og afgreiðslu í félagsmálanefnd. Félagsmálanefnd samþykkir að styrkja Stígamót um kr. 350.000.

Framlagðar eru reglur um daggæslu barna í heimahúsum með tillögu að breytingum á 32. gr. til samþykktar í félagsmálanefnd. Félagmálanefnd samþykkir breytingar á 32. gr. reglna um daggæslu barna í heimahúsum.

Framlögð er styrkbeiðni samtaka um kvennaathvarf til umræðu og samþykktar í félagsmálanefnd. Félagmálanefnd samþykkir að styrkja samtökin um kr. 350.000.

Framlögð er styrkbeiðni Aflsins, samtaka gegn kynferðis- og heimilisofbeldis til umræðu og samþykktar í félagsmálanefnd. Félagsmálanefnd samþykkir að styrkja Aflið um kr. 100.000 árið 2019.