Félagsmálanefnd

Lagt fram til kynningar í félagsmálanefnd.

Lagt fram til kynningar í félagsmálanefnd.

Fyrirspurn Öryrkjabandalags Íslands er varðar notendaráð fatlaðs fólks. Óskað er svara innan tveggja vikna. Var vísað til félagsmálastjóra til afgreiðslu og til umfjöllunar í félagsmálanefnd. Félagsmálastjóri svarar bréfinu í samvinnu við félagsmálastjóra Fljótsdalshéraðs.

Lagt fram minnisblað sviðsstjóra framkvæmdasviðs er varðar fyrirkomulag snjómoksturs og garðsláttar fyrir eldri borgara og öryrkja. Bæjarráð hefur vísað málinu til félagsmálastjóra og sviðsstjóra framkvæmdasviðs, með ósk um að útbúnar verði nánari reglur og gjaldskrá. Málinu er jafnframt vísað til félagsmálanefndar til umfjöllunar.
Félagsmálanefnd leggur til að tekjumörk í gjaldskrá fylgi tekjumörkum sem notuð eru við ákvörðun um afslátt á fasteignagjöldum. Nefndir leggur til að hægt verði að sækja um þjónustu hvenær sem er en að umsókn sé virk til 1. júní hvers árs. Nefndin vill taka út úr reglunum að meðferðarteymi fjölskyldusviðs taki umsóknir til meðferðar og afgreiðslu. Félagsmálanefnd leggur til að fram komi í reglum að hægt sé að fá nánari upplýsingar um umsókn á bæjarskrifstofu. Félagmálanefnd felur félagsmálastjóra að vinna áfram að gerð reglna með sviðsstjóra framkvæmdasviðs.

Framlagt er bréf félags- og barnamálaráðherra um stefnumótun í málefnum barna til kynningar og meðferðar í félagmálanefnd. Félagsmálastjóri mun gefa kost á sér til þátttöku í hliðarhópum sem vinna að stefnumótun í málefnum barna.

Framlagt frumvarp til laga um rétt barna sem aðstandendur til kynningar í félagsmálanefnd.

Félagsmálastjóri upplýsir um vinnslu máls í kjölfar erindis móður fatlaðs barns til félagsmálanefndar.

Framlögð greinagerð vegna umsóknar aðila um að gerast stuðningsforeldrar á Stöðvarfirði. Félagsmálanefnd samþykkir umsókn með fyrirvara um að gögn liggi fyrir.