Félagsmálanefnd

Framlagður ársreikningur Hulduhlíðar fyrir árið 2018 og efnahagsreikningur í lok árs 2018. Einnig lögð fram endurskoðunarskýrsla Deloitte um ársreikninginn. Sigurður endurskoðandi kynnti ársreikninginn.
Félagsmálanefnd samþykkir ársreikning Hulduhlíðar fyrir árið 2018 og vísar honum til bæjarráðs.

Framlagður ársreikningur Uppsala fyrir árið 2018 og efnahagsreikningi í lok árs 2018. Einnig lögð fram endurskoðunarskýrsla Deloitte um ársreikninginn. Sigurður endurskoðandi kynnir ársreikninginn. Félagsmálanefnd samþykkir ársreikning Uppsala fyrir árið 2018 og vísar til bæjarráðs.

Framlögð eru endurbætt drög að reglum um snjómokstur þar sem athugasemdir nefndar frá síðasta fundi eru teknar til greina.
Félagsmálanefnd samþykkir drög að reglum um snjómokstur og vísar til bæjarráðs.

Fært í trúnaðarbók.

Framlögð er fyrirspurn Öryrkjabandalags Íslands er varðar notendaráð fatlaðs fólks. Félagsmálastjórar Fjarðabyggðar og Fljótsdalshéraðs svöruðu bréfinu þar sem um sameiginlegt notendaráð er að ræða. Kynnt í félagsmálanefnd.

Menningar- og nýsköpunarnefnd vísar drögum að menningarstefnu til fastanefnda til kynningar og umfjöllunar. Kynnt í félagsamálanefnd.

Lögð fram að nýju drög að umhverfisstefnu Fjarðabyggðar 2018-2022.
Eigna-, skipulags- og umhverfisnefnd vísar drögum að umhverfisstefnu Fjarðabyggðar 2018-2022 til umfjöllunar í menningar- og nýsköpunarnefnd, félagsmálanefnd, fræðslunefnd, hafnarstjórn, íþrótta- og tómstundanefnd, landbúnaðarnefnd, ungmennaráð og safnanefnd. Kynnt í félagsmálanefnd.

Formaður og félagsmálastjóri greina frá hugmyndafundum vegna endurskoðunar á stefnumörkun í fræðslu- og frístundamálum í Fjarðabyggð. Næsti fundur í stefnumörkunarvinnu er 27. mars og þá verður farið yfir afrakstur hugmyndafundanna.

Félagsmálastjóri greinir frá stöðu Place-ee verkefnisins og áframhaldandi vinnu við það.