Félagsmálanefnd

Fyrir liggja niðurstöður úr könnuninni Ungt fólk 2020. Könnunin var lögð var fyrir alla nemendur í 8., 9. og 10. bekk á Íslandi í febrúar síðastliðnum. Í rannsókninni var að þessu sinni bætt við spurningum um svefnvenjur, koffínneyslu og rafrettunotkun. Niðurstöður lagðar fram til kynningar í félagsmálanefnd.

Lagt fram til kynningar frumvarp til laga um breytingu á lögum um þjónustu við fatlað fólk með langvarandi stuðningsþarfir, nr. 38/2018 (notendaráð), 838. mál.

Vísað frá menningar- og nýsköpunarnefnd drögum að ferðamálastefnu fyrir Fjarðabyggð ásamt minnisblaði auk tillögu um að meðal verkefna menningar- og nýsköpunarnefndar verði tjaldsvæði og áfangastaðir ferðamanna í Fjarðabyggð ásamt því að yfirstjórn þeirra verkefna verði falin stjórnsýslu- og þjónustusviði. Bæjarráð hefur staðfestt tillögur um tilfærslu yfirstjórnar tjaldsvæða og áfangastaða.
Bæjarráð hefur einnig samþykkt tillögu í minnisblaði um að skipa teymi á stjórnsýslu- og þjónustusviði sem í sitja forstöðumaður safnastofnunar, forstöðumaður menningarstofu, atvinnu- og þróunarstjóri og upplýsinga- og kynningarfulltrúi. Verkefni hópsins er að skoða og þróa hugmyndir um aðkomu skapandi sumarstarfa í samvinnu við verkefnastjóra skapandi sumarstarfa. Ferðamálastefnu vísað til kynningar í öllum fastanefndum.

Fyrir liggur minnisblað félagsmálanefndar vegna starfs- og fjárhagsáætlunar 2021.
Nefndin samþykkir tillögu að starfs- og fjárhagsáætlun fyrir sitt leyti og vísar til bæjarráðs.