Félagsmálanefnd

Framlagðar eru reglur um niðurgreiðslu daggæslu í heimahúsum og foreldragreiðslur ásamt minnisblaði sviðsstjóra fjölskyldusviðs til meðferðar og samþykktar í félagsmálanefnd.

Félagsmálanefnd samþykkir reglurnar fyrir sitt leyti og vísar til bæjarráðs.

Framlögð eru drög að reglum Fjarðabyggðar um sérstaka íþrótta- og tómstundastyrki. Um er að ræða úthlutun sérstakra íþrótta- og tómstundastyrkja til barna frá tekjulágum heimilum til að auka jöfnuð til íþrótta- og tómstundastarf, sbr. fjáraukalög fyrir árið 2020, sbr. og lög nr. 26/2020, um afmarkaðar og tímabundnar ráðstafanir til að bregðast við áhrifum COVID-19 faraldursins.

Félagsmálanefnd samþykkir reglur um sérstaka íþrótta- og tómstundastyrki fyrir sitt leyti og vísar til bæjarráðs.

Bréf til byggðarsamlags B hluta, málefna fatlaðs fólks, kynnt félagsmálanefnd.

Gildandi reglugerð um takmörkun á samkomum vegna farsóttar hefur áhrif á starfsemi fjölskyldusviðs. Félagsmálastjóri og sviðsstjóri fjölskyldusviðs greina frá fyrirkomulagi starfseminnar á meðan reglugerðin er í gildi.