Félagsmálanefnd

Helga Elísabet kynnir minnisblað sviðsstjóra, þar sem lögð er fram hugmynd um stofnun notendaráðs allra notenda félagsþjónustu Fjarðabyggðar, skv. félagsþjónustulögum og lögum um þjónustu við fatlað fólk með langvarandi stuðningsþarfir. Nefndin samþykkir tillöguna fyrir sitt leyti og vísar til bæjarráðs.

Formaður nefndarinnar kynnir drög að skýrslu Eflu um almenningssamgöngur í Fjarðabyggð.

Helga Elísabet kynnir minnisblað um rekstur skammtímadvalar fyrir fullorðna á Bakkabakka. Fjölskyldusvið leitast við að styðja fullorðið fatlað fólk til sjálfstæðs lífs með stuðningsþjónustu á heimili og félagsumhverfi. Nefndin samþykkir tillöguna sem fram kemur í minnisblaðinu fyrir sitt leyti og vísar til Bæjarráðs.

Helga Elísabet kynnir minnisblað sviðsstjóra um frístundaþjónustu fatlaðra barna í Fjarðabyggð. Nefndin samþykkir tillögurnar sem fram koma í minnisblaðinu fyrir sitt leyti. Tekur undir að þörf er fyrir frístundaþjónustu fyrir fötluð börn yfir vetrartímann auk þess sem skylt er að veita þjónustuna einnig yfir sumarið. Verið er að stórauka þjónustu við fötluð börn í Fjarðabyggð í samræmi við lög um þjónustu við fatlað fólk með langvarandi stuðningsþarfir.

Óskar kynnir reglur um fjárhagsáætlun Fjarðabyggðar 2022. Kynnt er að formaður nefndarinnar þurfi að funda með fjármálastjóra og bæjarstjóra ásamt stjórnendum sviðsins fyrir næsta fund nefndarinnar sem áætlaður er þann 8. júní nk. Starfsáætlun þarf að liggja fyrir á þeim fundi nefndarinnar, enda þarf að leggja hana fyrir bæjarráð þann 11. s.m.