Félagsmálanefnd

Stjórnendur kynna beiðni kvennaathvarfsins um styrk að fjárhæð kr. 400.000, vegna rekstrarársins 2021. Kynnt er að gert sé ráð fyrir styrknum á fjárhagsáætlun ársins. Nefndin samþykkir að greiða styrk til kvennaathvarfsins, að fjárhæð kr. 400.000 í samræmi við beiðnina.

Stjórnendur kynna fyrir nefndinni bréf fjármálastjóra varðandi fjárhagsramma fjölskyldusviðs fyrir árið 2022. Félagsmálanefnd felur stjórnendum að vinna starfs- og fjárhagsáætlun 2022 í samræmi við reglur sveitarfélagsins þar um og leggja fyrir næsta fund nefndarinnar. Frekari umræðu er frestað til næsta fundar.

Gjaldskrá vegna þjónustu stuðningsfjölskyldna er tekin til umræðu. Félagsmálanefnd samþykkir að gjaldskráin verði óbreytt, þ.e. að hún taki aðeins þeim breytingum sem innfelldar eru í gjaldskránni sjálfri, þar sem mælt er fyrir um að greiðslur taki mið að barnalífeyri hverju sinni.

Gjaldskrá um stuðningsþjónustu 2022 er tekin til umfjöllunar. Félagsmálanefnd ákveður að fresta frekari umræðu um gjaldskrána til næsta fundar nefndarinnar.

Gjaldskrá um þjónustuíbúðir fyrir aldraða er tekin til umfjöllunar. Félagsmálanefnd ákveður að fresta frekari umræðu um gjaldskrána til næsta fundar nefndarinnar.

Stjórnendur kynna minnisblað stjórnanda félagsþjónustu- og barnaverndar um jólasjóð. Félagsmálanefnd samþykkir að Fjarðabyggð komi að málefnum sjóðsins með þeim hætti sem mælt er með í minnisblaðinu, það er að aðrir samstarfsaðilar taki að sér að afgreiða umsóknir í sjóðinn og að hlutverk fjölskyldusviðs verði fyrst og fremst að leiðbeina umsækjendum varðandi umsóknir og eftir atvikum að aðstoða samstarfsaðila við frágang. Ákvarðanir um greiðslur úr sjóðnum verði ekki á höndum fjölskyldusviðs.