Félagsmálanefnd

Formaður félagsmálanefndar kynnti erindi frá UNICEF á Íslandi um tækifæri barna til áhrifa og ungmennaráð. Félagsmálanefnd tekur undir erindið og minnir á mikilvægi þess að leita umsagnar ungmennaráðs.

Umsókn um rekstarstyrk fyrir árið 2023 fyrir Kvennaathvarfið. Félagsmálanefnd samþykkir að styrkja Kvennaathvarfið um 500 þúsund krónur árið 2023.

Umsókn um styrk vegna barnabókaefnis á táknmáli. Félagsmálanefnd þakkar fyrir erindið en telur sig ekki geta orðið við þessari styrkbeiðni.

Allsherjar- og menntamálanefnd Alþingis sendir til umsagnar frumvarp til laga um útlendinga (alþjóðleg vernd), 382. mál.
Þess er óskað að undirrituð umsögn berist eigi síðar en 11. nóvember nk. á netfangið nefndasvid@althingi.is.

Styrkbeiðni vegna Stígamóta 2023. Félagsmálanefnd samþykkir að styrkja samtökin Stígamót um 500.000 krónur árið 2023.

Sviðsstjóri fjölskyldusviðs upplýsir nefndina um samningsdrög Fjarðabyggðar og Brákar-Bríetar um félagslegt leiguhúsnæði.

Félagsmálanefnd telur Samtökin´78 gegna gríðarlega mikilvægu hlutverki í fræðslustarfi fyrir samfélagið í heild. Það er mikilvægt að sveitarfélög séu leiðandi í jafnréttismálum og er hinsegin fræðsla stór hluti af þeim. Nauðsynlegt er að sporna við óæskilegri orðræðu og fordómum sem eiga sér stað í auknum mæli í samfélaginu. Félagsmálanefnd fagnar fjölbreytileikanum í Fjarðabyggð og vill sýna stuðning sinn í verki. Með þriggja ára þjónustusamningi við Samtökin´78 verður fræðslan markvissari og hægt er að skipuleggja vinnuna fram í tímann. Við viljum að virðing og mannréttindi séu höfð að leiðarljósi í okkar samfélagi og því teljum við mikilvægt að koma á slíku samstarfi.