Félagsmálanefnd

Samningur Fjarðabyggðar og sveitarfélagsins Hornafjarðar um barnaverndarþjónustu og fullnaðarafgreiðsluumboð kynntur.
Félagsmálanefnd felur stjórnanda barnaverndar og innleiðingar farsældar í Fjarðabyggð að gera minnisblað fyrir bæjarráð.
Félagsmálanefnd samþykkir samninginn fyrir sitt leiti og vísar til bæjarráðs.

Stjórnandi barnaverndar fer yfir sískráningu til barnaverndarstofu.

Stjórnendur fjölskyldusviðs fara yfir stöðu mála í félagsþjónustu og barnavernd.
Félagsmálanefnd þakkar greinargóða kynningu.

Starfsmenn félags- og vinnumarkaðsráðuneytis komu í heimsókn til Fjarðabyggðar til að vinna með starfsfólki fjölskyldusviðs og formanni félagsmálanefndar að verkefninu Gott að eldast. Fyrstu drög að handbók um útfærslu verkefnisins í Fjarðabyggð kynnt fyrir félagsmálanefnd.

Félagsmálanefnd fagnar samstarfsyfirlýsingu Fjarðabyggar og R101 ehf vegna byggingar á sjö íbúða búsetukjarna.
Með byggingu búsetukjarnans verður stigið tímamótaskref í þjónustu við fatlað fólk auk þess sem boðið verður upp á skammtímavistun fyrir fötluð börn.
Félagsmálanefnd voru sýndar teikningar. Stefnt er að því að taka húsið í notkun á árinu 2025.