Félagsmálanefnd

Yfirfélagsráðgjafi gerði grein fyrir móttöku flóttafólks til Fjarðabyggðar. Verkefnið hefur að hans mati gengið vel og margir lagt hönd á plóg við að gera móttökuna sem ánægjulegasta. Félagsmálanefnd lýsir ánægju sinni með framgang verkefnisins.

Fyrir liggur áætlun fjölskyldusviðs um forvarnarfundi á árinu 2017. í áætluninni er gert ráð fyrir fimm stærri fundum en tekið skal fram að fjölmörg önnur forvarnarverkefni eru í gangi í stofnunum sveitarfélagsins og hjá félögum sem njóta styrkja frá sveitarfélaginu. Félagsmálanefnd lýsir ánægju með áætlunina sem er í takt við fjölskyldustefnuna og nýgert samkomulag um þróunarverkefnið Heilsueflandi samfélag.