Fjölmenningarráð

Fundurinn fékk kynningu frá Guðrúnu Ásgeirsdóttur, verkefnastjóra, hjá Austurbrú og Evu Jörgensen á verkefninu Samfélagið okkar. Eva mun senda starfsmanni Fjömenningarráðs skráningarform og upplýsingar um rýnihópa sem starfsmaður kemur til nefndarmanna. Fjölmenningarráð þakkar góða kynningu.

Starfsmenn kynna verkefnið Bara tala sem er starfstengt íslenskunám sem eykur orðaforða, hlustunarfærni og þjálfar aðflutta í að tala íslensku. Sagt var frá reynslu af notkun appsins í Skála, búsetuúrræði fyrir fatlaða einstaklinga á Reyðarfirði. Fjölmenningarráð hvetur til að þetta verði kynnt á fleiri stöðum, t.d. á starfsdegi starfsmanna leikskóla sem haldinn verður á Breiðdalsvík föstudaginn 26. september næstkomandi. Starfsmanni ráðsins falið að ræða við stjórnanda fræðslumála- og skólaþjónustu. Fjölmenningarráð þakkar góða kynningu.

Haraldur Líndal, upplýsingafulltrúi Fjarðabyggðar kemur inn á fund Fjölmenningarráðs og kynnir nýja heimasíðu sveitarfélagsins. Fjölmenningarráð þakkar fyrir góða kynningu.

Fjölmenningarráð óskar eftir fjárheimild árið 2026 til að halda íbúaþing fyrir einstaklinga af erlendum uppruna. Máli vísað til Fjölskyldunefndar.

Fjölmenningarráð ákveður að fundir fjölmenningarráðs verði á sex vikna fresti, á þriðjudegi kl. 16.15.