Fjölskyldunefnd

Samkomulag um samstarf vegna leiguíbúða íbúðakjarna á Reyðarfirði lagt fyrir fjölskyldunefnd. Fjölskyldunefnd samþykkir fyrir sitt leiti þjónustusamning um íbúðakjarna á Reyðarfirði.

Stjórnandi barnaverndarþjónustu og farsældar fer yfir sískráningar og þróun mála í barnavernd.

Farið yfir fundargerð öldungaráðs

Fjölskyldunefnd samþykkir að leggja af notkun hugtaksins Sprettur um samþætta þjónustu og snemmtæka íhlutun. Þess í stað verður notast við hugtakið „samþætt þjónusta“. Verklagið sem hefur reynst vel í Spretti verður áfram notað og það sem hefur reynst vel en sömuleiðis verður verklag endurskoðað og þróað eftir því sem þekkingu og reynslu fleygir fram í samræmi við ráðgjöf Barna- og fjölskyldustofu. Áfram verður lögð mikil áhersla á að þjónusta börn og fjölskyldur þeirra vel og vandlega eins hefur verið lagt mikið kapp á síðustu ár.

Fjölskyldunefnd Fjarðabyggðar hefur ákveðið að bjóða ekki upp á næturgistingu á Kuldabola. Ástæðan fyrir þessari ákvörðun er fyrst og fremst öryggisástæður, þar sem aðstæður eru ekki taldar uppfylla nauðsynlegar kröfur um öryggi gesta. Ljóst er að dregið hefði úr þátttöku á Kuldabola ef áfram hefði verið lagt upp með næturgistingu á viðburðinum.
Fjölskyldunefnd mun áfram leggja áherslu á að skapa öruggt og skemmtilegt umhverfi fyrir þátttakendur á Kuldabola, án þess að bjóða upp á næturgistingu.

Í kjölfar samfélagslegra áfalla í Fjarðabyggð var ljóst að bregðast þyrfti við með stuðningi við íbúa sveitarfélagsins. Þessir atburðir féllu ekki undir hlutverk almannavarna og var því ákveðið að fjölskyldusvið Fjarðabyggðar tæki að sér leiðandi hlutverk í verkefninu með stuðningi frá Rauða krossinum, kirkjunni og HSA.

Formaður nefndar fer yfir núgildandi gjaldskráa fjölskyldusviðs sem liður í vinnu við fjárhagsáætlun 2025.

Fjölskyldunefnd samþykkir drög að erindisbréfi fjölmenningarráðs og vísar því áfram til bæjarstjórnar.

Fyrirhugað menntaþing þann 30. september 2024 kynnt fyrir fjölskyldunefnd.