Fjölskyldunefnd

Helga Elísabet Guðlaugsdóttir, Teymisstjóri heimaendurhæfingarteymis HSA og Helga Sól Birgisdóttir, Forstöðumaður heimaþjónustu kynntu samvinnu kerfanna tengda verkefninu Gott að eldast. Farið var yfir hlutverk sameiginlegs móttöku og matsteymis (MóMA) ásamt hugmyndafræði heima endurhæfingar og notkun á sjálfsmatstækinu WHODAS þar sem einstaklingurinn metur færni sína. Einnig fóru þær yfir dæmigert ferli umsóknar um þjónustu og mögulegar þjónustuleiðir.

Fyrstu drög að starfsáætlun fjölskyldusviðs kynnt fyrir nefndinni.Sviðstjóra fjölskyldusviðs falið að vinna málið áfram.

Sviðstjóri fjölskyldusviðs fer yfir þróun og innihald þjónustugjalds í þjónustuíbúðum aldraðra Breiðabliki. Sviðstjóra falið að kanna lagaheimildir varðandi öryggisvöktun þjónustuíbúða. Sviðstjóri mun einnig funda með íbúum Breiðabliks.

Lagt fram erindi frá starfsmönnum Nesskóla varðandi húsnæði skólans og þrengsla vegna þess að ekki er hægt að nýta fyrri aðstöðu tónlistarskóla. Verið er að vinna að því að meta ástand húsnæðisins í tengslum við fjárhagsáætlunargerð 2026. Fjölskyldunefnd vísar erindinu til áframhaldandi vinnu innan skipulags- og framkvæmdasviðs og starfshópi um nýtingu mannvirkja í rekstri Fjarðabyggðar.

Fjölskyldunefnd fagnar erindinu og vísar því áfram til skipulags- og framkvæmdanefndar.

Fjölskyldunefnd þakkar fyrir erindið og vísar því áfram til skipulags- og framkvæmdanefndar.

Farið yfir afhendingu og vígslu búsetukjarna og skammtímavistunar.
Drög að dagskrá kynnt fyrir fjölskyldunefnd.