Fræðslunefnd

Fræðslustjóri greindi fræðslunefnd frá yfirfærslu á starfsemi A-hluta Skólaskrifstofu Austurlands til fjölskyldusviðs Fjarðabyggðar. Mikil ánægja er á fjölskyldusviði með liðstyrkinn og starfsfólk spennt að takast á við þau verkefni sem bíða. Fræðslunefnd óskar starfsfólki fjölskyldusviðs velfarnaðar í þeirra mikilvægu störfum.

Kynnt bréf frá Sambandi íslenskra sveitarfélaga þar sem athygli er vakin á fyrirhuguðu skólaþingi sveitarfélaga sem ráðgert er að halda 8. nóvember næstkomandi. Í ár eru 25 ár liðin frá því allur rekstur grunnskóla var færður frá ríki til sveitarfélaga. Á þeim aldarfjórðungi sem liðinn er hafa verið stigin marvísleg framfaraskref og skólahald breyst og þróast til betri vegar. Við þessi tímamót verður staldra við og litið yfir farinn veg en þó fyrst og fremst tekin staðan og horft fram á veginn til næstu 25 ára. Eftirfarandi spurning liggur fyrir þinginu: Hvernig viljum við sjá skólastarf þróast til framtíðar og hvernig leggjum við okkar lóð á vogarskálarnar svo unnt verði uppfylla þá framtíðarsýn? Fræðslunefnd felur formanni nefndarinnar að sitja skólaþingið fyrir hönd nefndarinnar.

Fræðslustjóri gerði grein fyrir skólabyrjun skólaársins 2021-2022. Skólahald fer vel af stað og búið að ráða í flestar lausar stöður. Skólaþjónustan hefur verið í sambandi við skólana nú í byrjun skólaársins og stillt saman strengi með starfsfólki skólanna.

Farið var yfir tillögu nefndarinnar til bæjarráðs frá vorinu 2021. Frekari umræðu frestað til næsta fundar.

Fræðslustjóri kynnti drög að samningi við Heimili og skóla um fræðslu til foreldrafélaga í Fjarðabyggð. Fræðslunefnd fagnar auknu samstarfi við Heimili og skóla og felur fræðslustjóra að vinna málið áfram.