Fræðslunefnd

Fyrir liggja drög að fundaáætlun fræðslunefndar fyrir haustið 2021. Fræðslunefnd samþykkir fyrirliggjandi áætlun.

Farið var yfir úthlutaðan fjárhagsramma nefndarinnar fyrir árið 2022 og áætlanir fræðslunefndar frá því í júní 2021. Fræðslustjóra er falið að hefja vinnu við launaáætlun fyrir árið 2022. Frekari umræðu frestað til næsta fundar.

Farið var yfir 6 mánaða yfirlit fjárhagsáætlunar fræðsludeildar.

Fræðslustjóri greindi frá samstarfsverkefni grunnskólanna í Fjarðabyggð og Verkmenntaskóla Austurlands, sem hleypt var af stokkunum síðast liðinn fimmtudag. Verkefnið er liður í að gera námið fjölbreyttara með því að efla verklega kennslu í skólunum og nýta til þess sérþekkingu og tæknibúnað VA. Nemendum í 9. og 10. bekk grunnskólanna velja sér tvær valgreinar af eftirfarandi sex greinum: Málmur og vél, Bifreiðar, Húð og hár, Rafmagn, Húsasmíði og Fablab og fá 16 kennslustundir í hvorri grein nú á haustönn. Kennt er á fimmtudögum eftir hádegi. Nemendur í 10. bekk skólanna auk nemenda í 9. bekk Breiðdals- og Stöðvarfjarðarskóla byrjuðu síðasta fimmtudag og verða í 8 vikur og þá taka við nemendur í 9. bekk og verða næstu 8 vikurnar. Fræðslunefnd fagnar framtakinu.