Fræðslunefnd

Fræðslustjóri kynnti niðurstöður úr könnuninni Ungt fólk 2022, 8.-10. bekkur, sem Rannsóknir og greining framkvæmdu í febrúar 2022. Unnið verður með niðurstöðurnar í hverjum skóla og stefnt að opnum fundi með foreldrum í maímánuði.

Fræðslustjóri gerði grein fyrir framvindu aðgerðaráætlunar í fræðslu- og frístundamálum 2020-2022. Ánægjulegt er að sjá hversu vel hefur tekist að fylgja aðgerðaaráætlun. Fræðslunefnd telur rétt að gera aðgerðaráætlun til næstu þriggja ára 2023-2025, sem ný fræðslunefnd komi til með að móta með starfsmönnum sveitarfélagsins og íbúum Fjarðabyggðar.

Farið var yfir matseðil sem liggur til grundvallar útboðsgögnum, en hann byggir á matseðli í skólum á Akureyri. Fræðslunefnd samþykkir fyrirliggjandi matseðla.

Bæjarráð vísaði til kynningar í fræðslunefnd svæðisskipulagi Austurlands. Lagt fram til kynningar.

Fyrir liggur skóladagatal Tónlistarskóla Eskifjarðar og Reyðarfjarðar. Fræðslunefnd samþykkir fyrirliggjandi skóladagatal.