Fræðslunefnd

Drögum að samskipta- og vefstefnu Fjarðabyggðar ásamt stefnu um innri samskipti var vísað frá bæjarstjórn til umfjöllunar fagnefnda. Fræðslunefnd óskar eftir umsögn skólastjórnenda. Frekari umræðu frestað til næsta fundar.

Farið var yfir kynningu Fjarðabyggðar sem kynnt var fulltrúum Sambands íslenskra sveitarfélaga og Mennta- og barnamálaráðuneytinu og fulltrúum sveitarfélaga á Austurlandi 24. maí. Um er að ræða sjálfsmatstæki sem ætlað er til að auðvelda ákvarðanatöku í úthlutun fjármagns til grunnskóla. Lagt fram til kynningar.

Farið var yfir kynningu fulltrúa Háskólans á Akureyri, HA, á fagháskólanámi í leikskólafræði sem verður hluti af námsframboði HA og HÍ næsta skólaár. Fræðslunefnd þakkar kynninguna og fagnar því að slíkt nám sé í boði fyrir starfsfólk leikskóla.

Farið yfir drög að áætlun og skoðaðar leiðir til hagræðingar. Frekari umræðu frestað til næsta fundar nefndarinnar 14. júní næstkomandi.