Fræðslunefnd

Stjórnandi fræðslumála og skólaþjónustu gerði grein fyrir stöðunni í leik-, grunn- og tónlistarskólum í Fjarðabyggð, mönnun og framkvæmdir. Búið er að ráða í flestar stöður. Unnið er að framkvæmdum við Eskifjarðaskóla og munu þær standa eitthvað fram á haustið, en það mun þó ekki hafa áhrif á skólabyrjun í Eskifjarðarskóla.

Til umræðu voru hugmyndir um breytingar á reglum um kennslutímaúthlutun til grunnskóla.
Frekari umræðu frestað til næsta fundar.

Farið var yfir undirbúningsvinnu vegna starfs- og fjárhagsáætlunargerðar í fræðslumálum fyrir árið 2024.
Frekari umræðu um starfs- og fjárhagsáætlun vísað til næsta fundar nefndarinnar.

Fyrir liggur tillaga að fundaáætlun fræðslunefndar fyrir haustið 2023. Fræðslunefnd samþykkir fyrirliggjandi tillögu

Töluverð umræða hefur verið í samfélaginu um notkun snjallsíma í skólum. Fjarðabyggð setti sér ákveðnar reglur haustið 2018 sem fóru í endurskoðun ári síðar. Almenn sátt hefur verið með reglurnar.
Nefndin felur stjórnanda fræðslumála og skólaþjónustu að leita álits hjá starfsfólki skólanna sem og Ungmennaráði Fjarðabyggðar varðandi reglurnar.