Fræðslunefnd

Skólastjórar Nesskóla, Grunnskóla Reyðarfjarðar, Grunnskóla Fáskrúðsfjarðar og Tónskóla Neskaupstaðar kynntu starf skólanna og ræddu við nefndina um starfsemi þeirra. Fræðslunefnd þakkar skólastjórum fyrir greinargóðar kynningar.

Farið var yfir nýjar upplýsingar úr Skólavoginni, en Skólavogin er upplýsinga- og greiningakerfi fyrir sveitarfélög. Farið var yfir niðurstöður úr nemendakönnun grunnskóla frá haustinu 2015 og rekstrarupplýsingar fyrir árið 2014. Farið er yfir niðurstöður nemendakönnunar í hverjum skóla og niðurstöður birtar á heimasíðum þeirra.

Fræðslustjóri gerði nefndinni grein fyrir fundi fræðslustjóra og forstöðumanna skólaskrifstofa með mennta- og menningarmálaráðuneyti, Sambandi íslenskra sveitarfélaga og Jöfnunarsjóði, sem haldinn var 27. nóvember. Minnisblað fræðslustjóra lagt fram til kynningar.