Fræðslunefnd

Þessi liður var tekinn fyrir á sameiginlegum fundi félagsmála-, fræðslu- og íþrótta- og tómstundanefndar. Margrét Lilja Guðmundsdóttir sérfræðingur hjá Rannsóknum og greiningu og kennari á íþróttafræðisviði Háskólans í Reykjavík fjallaði um niðurstöður lýðheilsurannsókna ungs fólks í Fjarðabyggð. Hún ásamt Bryndísi Jónsdóttur verkefnastjóra hjá Heimili og skóla halda opinn fund í Grunnskóla Reyðarfjarðar fyrir foreldra og elstu nemendur skólans í kvöld, þriðjudaginn 9. október. Bryndís mun þar fjalla um mikilvægi foreldra í forvörnum og 18 ára ábyrgð.
Eftir fyrirlesturinn voru umræður.

Farið var yfir drög að starfsáætlun fræðslusvið 2019. Einnig var farið yfir launaáætlun og vinnu við fjárhagsáætlun, aðra rekstrarliði en launaliði. Fræðslustjóra falið að ljúka við fjárhagsáætlun í samræmi við forsendur starfsáætlunar.

Framlögð tillaga að útfærslu nemenda- og starfsskipta vinabæjarins Gravelines við Fjarðabyggð. Tillögunni var vísað frá bæjarráði til kynningar í fræðslunefnd. Fræðslunefnd fagnar tillögunni og vonast til að hún eigi eftir að gagnast vel ungmennum í Fjarðabyggð.