Fræðslunefnd

Tekin var til umræðu fyrirspurn um styrk vegna akstur leikskólabarns til og frá leikskóla. Ekki er gert ráð fyrir skólaakstri leikskólabarna í áætlunum sveitarfélagsins og ekki er gert ráð fyrir því að bjóða upp á slíka þjónustu að svo stöddu.

Til umræðu og afgreiðslu er tillaga um fundaáætlun fræðslunefndar fyrir vorið 2019. Fræðslunefnd samþykkir tillöguna.

Til umræðu var kynning á nýjum reglum um snjalltæki sem taka gildi í grunnskólum Fjarðabyggðar 1. febrúar næstkomandi. Formaður fræðslunefndar, sálfræðingur Skólaskrifstofu Austurlands og fræðslustjóri hafa kynnt reglurnar fyrir nemendum og starfsfólki grunnskólanna í þessari viku og þeirri síðustu. Bréf verður sent til allra foreldra fyrir mánaðarmót. Einnig var rætt um aukinn tækjabúnað skólanna, ákvörðun um að bæta netsamband inn í skólana og þráðlausa netið innan skólanna. Fræðslunefnd fagnar bættum tækjabúnaði og tengingum inn í skólana og óskar nemendum og starfsfólki skóla velfarnaðar með notkun búnaðarins og við framkvæmd nýrra reglna um snjalltæki.

Fræðslustjóri sagði frá kynningum á læsisstefnu Fjarðabyggðar, Læsi er lykillinn, í skólum Fjarðabyggðar og vinnu við endurskoðun á læsisstefnu hvers skóla.

Fræðslustjóri sagði frá undirbúningsvinnu við endurskoðun á fræðslu- og frístundastefnu Fjarðabyggðar. Fyrsti fundur fjölskipaðs starfshóps er mánudagurinn 28. janúar.

Fært í trúnaðarbók