Fræðslunefnd

Fjármálastjóri sat þennan fundarlið og fylgi úr hlaði vinnu við fjárhagsáætlun ársins 2020. Fræðslunefnd ræddi áherslur í fræðslumálum fyrir árið 2020. Frekari umræðu frestað til næsta nefndarfundar.

Lögð fram til kynningar tillaga að reglum um gerð fjárhagsáætlunar Fjarðabyggðar fyrir árið 2020 - 2023.

Til umfjöllunar var frumvarp til laga um menntun, hæfni og ráðningu kennara og skólastjórnenda við leikskóla, grunnskóla og framhaldsskóla. Frumvarpið lagt fram til kynningar.

Til umfjöllunar er frumvarp til laga um lýðskóla. Frumvarpið lagt fram til kynningar.

Fyrir liggja niðurstöður Rannsóknar og greiningar úr vímuefnakönnun meðal nemenda í 8. til 10. bekk frá í febrúar 2019. Staðan á landsvísu er svipuð og undanfarin ár og ekki er aukningu í ölvunardrykkju né marijúananeyslu nemenda í 10. bekk yfir landið. Hins vegar eru tæplega 40% nemenda í 10. bekk sem hafa notað rafrettur/veipað og um 9% tíundubekkinga sem eru daglegir notendur og hátt hlutfall er bæði yfir landið og í Fjarðabyggð. Fræðslunefnd lýsir áhyggjum yfir stöðunni. Forvarnarfræðsla er í gangi hjá Fjarðabyggð, allir í 10. bekk fengu fræðslu í mars og framundan er fræðsla fyrir nemendur í 7.-10. bekk. Mikilvægt er að vera í góðu samstarfi við foreldra og veita þeim fræðslu.

Til umfjöllunar var starfs- og fjárhagsáætlun fræðslunefndar fyrir árið 2019. Fræðslustjóri gerði grein fyrir stöðunni, en bæði starfsáætlun og fjárhagsáætlun fyrir fræðslumál er samkvæmt áætlun fyrstu mánuði ársins.

Fræðslustjóri og formaður fræðslunefndar gerðu grein fyrir stefnumörkunarvinnunni.