Fræðslunefnd

Fyrir liggja starfsáætlanir og skólanámskrár Tónskóla Neskaupstaðar, Tónlistarskóla Eskifjarðar og Reyðarfjarðar, Tónlistarskóla Fáskrúðsfjarðar og Stöðvarfjarðar og Eskifjarðarskóla fyrir skólaárið 2019-2020. Skólastjórar skólanna kynntu áætlanirnar og svöruðu spurningum nefndarfólks. Fræðslunefnd samþykkir fyrirliggjandi starfsáætlanir og skólanámskrár og þakkar skólastjórum fyrir greinargóð svör.

Málefni sundlaugarinnar voru tekin til umræðu í bæjarráði 10. febrúar og bæjarráð fól bæjarstjóra að taka saman minnisblað um málið og hvaða leið væri best að fara í málinu. Sviðsstjóri fjölskyldusviðs, fræðslustjóri og skólastjóri Grunnskóla Reyðarfjarðar gerðu grein fyrir möguleikum sem væru fyrir hendi. Fræðslunefnd leggur áherslu á að gagnaöflun verði lokið sem fyrst þannig að hægt verði að taka ákvörðun í málinu og tryggja sundkennslu nemenda í Grunnskóla Reyðarfjarðar. Fulltrúi Miðflokksins leggur fram eftirfarandi bókun: Skorað er á bæjarstjórn Fjarðabyggðar að samþykkja viðgerðir á Sundlaug Reyðarfjarðar nú þegar, tryggja áframhaldandi starfsemi hennar og um leið uppfylla lagaskyldur um skólasundkennslu við Grunnskóla Reyðarfjarðar. Sjá meðfylgjandi greinargerð.