Fræðslunefnd

Lagður fram til kynningar í fræðslunefnd samstarfssamningur Fjarðabyggðar, Verkmenntaskóla Austurlands og atvinnuvega- og nýsköpunarráðuneytisins um þátttöku í starfsemi starfrænnar smiðju í Fjarðabyggð. Fræðslustjóra falið að kynna samninginn fyrir skólastórnendum grunnskólanna í Fjarðabyggð.

Borist hefur bréf frá Rafíþróttadeild Austra, þar sem fræðslunefnd er boðið í heimsókn til að skoða aðstöðu deildarinnar og jafnframt óskar deildin eftir aðstoð við að koma á fót fræðslu og námskeiðum. Fræðslunefnd fagnar góðu boði og felur fræðslustjóra að vera í sambandi við deildina varðandi fræðslu- og námskeiðahald.

Styrktarsjóður EBÍ hefur opnað fyrir umsóknir í sjóðinn. Sjóðurinn styrkir sérstök framfaraverkefni hjá sveitarfélögum. Heildarstyrkupphæð er 5 milljónir króna. Hvert sveitarfélag getur sent inn eina umsókn. Fræðslustjóra falið í samráði við sviðsstjóra hjá Fjarðabyggð að skoða styrkumsóknir.

Lagt fram til kynningar árs framlenging á samningi um skólamáltíðir í grunnskóla 2017-2020.