Hafnarstjórn

Aðalfundur Fiskmarkaðar Austurlands 2014 verður haldinn fimmtudaginn 23. október 2014. Fulltrúi hafnarstjórnar verður Steinþór Pétursson og Sævar Guðjónsson verðu til vara.

Erindi frá Austurbrú ses dags. 14. október 2014 þar sem óskað er eftir stuðningu frá hafnarsjóði Fjarðabyggðar til að kynna námskeið fyrir leiðsögumenn. Óskað er eftir 100 til 150 þ.kr. styrk til að greiða kynningarkostnað vegna dreifibréfs í hús á miðausturlandi.
Hafnarstjórn samþykkti að styrkja verkefnið um 100.000 kr.

Kynnt erindi frá Hafnasambandi Íslands dags. 6. október varðandi fjárframlög til hafnamála í samgönguáætlun fyrir árið 2015.
Kynnt.

Erindi frá Björgunarsveitinni Ársól þar sem óskað er eftir stuðningi við frágang lóðar við hús sveitarinnar.
Hafnarstjórn getur ekki orðið við styrkbeiðninni og hafnar erindinu.

Erindi frá Hafþóri Eiríkssyni dags. 4. október 2014 þar sem hann vill koma að hjá hafnarstjórn tillögu þess efnis að umhverfi við Norðafjarðarvitann verði lagfært. Hafnarstjórn þakkar fyrir góða ábendingu og vísar henni til kynningar í eigna- skipulags- og umhverfisnefnd.

Kynntur fundur með framkvæmdastjóra Fjarðanets þann 14. október 2014 vegna lóðamála. Framkvæmdastjóra falið að vinna málið áfram.

Undirbúningsvinna við gerð fjárhagsáætlunar fyrir 2015 ásamt langtímaáætlun og gjaldskrá. Hafnarstjórn samþykkir að gjaldskrá hafnarsjóðs hækki um 3,4%. Einnig samþykkir hafnarstjórn framkvæmdaáætlun fyrir 2015 ásamt langtímaáætlun 2016 til 2018.
Hafnarstjórn mun skoða hvort forsendur áætlunarinnar hafi breyst þegar kemur fram á árið með endurskoðun á framkvæmdaáætluninni i huga. Áætluninni er vísað til bæjarráðs.