Hafnarstjórn

Erindi frá Samskipum dags. 23. september 2016 þar sem óskað er eftir undanþágu frá lóðsskyldu að og frá Mjóeyrarhöfn fyrir Capt. Artem Chayrov skipstjóra á Ms. Samskip Skaftafell.
Hafnarstjórn staðfestir undanþágu frá hafnsögu fyrir Artem Chayrov skipstjóra á Ms. Samskip Skaftafell

Erindi frá Thorship dags. 29. september 2016 þar sem óskað er eftir undanþágu frá hafnsöguskyldu að og frá Mjóeyrarhöfn fyrir Capt. Lesniak Jakub skipstjóra á Mv. Marmaui.
Hafnarstjórn staðfestir undanþágu frá hafnsögu fyrir Lesniak Jakub skipstjóra á Mv. Marmaui.

Umfjöllun um flotbryggjumál á Mjóafirði en komið hefur í ljós að flotbryggjurnar þar sem eru út tré eru mjög illa farnar.
Framkvæmdastjóra falið að leysa málið.

Áframhaldandi umræða um hugmyndir af nýjum hafnarkanti á Eskifirði í framhaldi af síðasta fundi.
Lögð fram tillaga 4 breyting frá fyrri hugmyndum. Hafnarstjórn felur framkvæmdastjóra að vinna málið áfram.

Fundargerð frá opnun tilboða í gerð hafnarkants á Fáskrúðsfirði frá 27. september 2016. Eitt tilboð barst í verkið og var það frá Hagtak hf. upp á 296,8 millj.kr. eða 147,4% af kostnaðaráætlun sem var 201,3 millj.kr. Tilboð hefur verið yfirfarið.
Hafnarstjórn staðfestir að hafna því að taka innkomnu tilboði í verkið og leggur til að af tilskildum fresti verði framkvæmdastjóra falið að leita samninga við verktaka um verkið.

Beiðni Skipulagsstofnunar um umsögn um 10.000 tonna framleiðslu á laxi í Stöðvarfirði. Vísað til eigna-, skipulags- og umhverfisnefndar og hafnarstjórnar.
Framkvæmdastjóra hafna og skipulags- og byggingarfulltrúa falið að gera drög að umsögn og leggja fyrir nefndirnar og bæjarráð til afgreiðslu. Hafnarstjórn staðfestir framlögð drög að umsögn ásamt minnisblaði með tillögum að viðbót við drögn.

Beiðni Skipulagsstofnunar um umsögn um 10.000 tonna laxeldi í Mjóafirði og Norðfjarðarflóa. Vísað til eigna-, skipulags- og umhverfisnefndar og hafnarstjórnar. Framkvæmdastjóra hafna og skipulags- og byggingarfulltrúa falið að gera drög að umsögn og leggja fyrir nefndirnar og bæjarráð til afgreiðslu. Hafnarstjórn staðfestir framlögð drög að umsögn ásamt minnisblaði með tillögum að viðbót við drögn.

Fundargerð stjórnar Hafnasambands Íslands nr. 388 dags. 12. október 2016 lögð fram til kynningar.

Fundargerð stjórnar Hafnasambands Íslands nr. 387 dags. 19. september 2016 lögð fram til kynningar.

Formaður og framkvæmdastjóri gerðu grein fyrir fundi með bæjarráði um fjárhagsáætlun ársins 2017 og breytingar sem gera þarf á áætluninni milli umræðna í bæjarstjórn.