Hafnarstjórn

Fundargerð Hafnasambands Íslands nr. 389 dags. 11. nóvember 2016 lögð fram til kynningar.

Erindi frá Hafnasambandi Íslands dags. 16. nóvember 2016 þar sem lögð er fram samþykkt frá Hafnasambandsþingi sem haldið var á Ísafirði 13. til 14. október 2016 og varðar umhverfismál hafna. Lagt fram til kynningar.

Erindi frá Hafnasambandi Íslands dags. 16. nóvember 2016 þar sem verðið er að spyrjast fyrir um óreiðuskip í höfnum landsins. Framkvæmdastjóra falið að svara erindinu.

Erindi frá Nesskip ehf dags. 17. október 2016 þar sem óskað er eftir undanþágu frá lóðsskyldu að og frá öllum höfnum Fjarðabyggðar fyrir Hjört Jónasson skipstjóra á MV Green Maloy.
Hafnarstjórn samþykkir að heimila undanþágur fyrir Hjört á Eskifirði, Reyðarfirði og Fáskrúðsfirði, en að lóðsskylda verði áfram til hafnar á Norðfirði.

Fundargerð aðalfundar Fiskmarkaðar Austurlands dags. 27. október 2016 ásamt ársreikningi félagsins fyrir árið 2015. Lagt fram til kynningar.

Lögð fram til kynningar tillaga að lengingu hafnarkants við Egersund á Eskifirði. Hafnarstjórn samþykkir að fela framkvæmdastjóra að afla tilskilinna leyfa til framkvæmda og láta hefja vinnu við hönnun þilsins og gerð útboðsgagna.

Lagt fram minnisblað frá siglingarsviði Vegagerðarinnar dags. 16. nóvember 2016 varaðndi hugmyndir um gerð hafnarkants við fiskiðjuver Eskju á Eskifirði. Framkvæmdastjóra falið að vinna málið áfram.

Erindi frá Fiskistofu dags. 22. nóvember 2016 þar sem óskað er eftir umsögn vegna beiðni Eskju hf um leyfi til heimavigtunar í nýju uppsjávarfrystihúsi á Eskifirði. Framkvæmdastjóra falið að veita jákvæða umsögn um erindið.