Hafnarstjórn

Fundargerð Hafnasambands Íslands nr. 391 dags. 23. janúars 2017 lögð fram til kynningar.

Fundargerð stjórnar Cruise Iceland dags. 17.janúar 2017 lögð fram til kynningar.

Aðalfundur Cruise Europe verður haldinn í Bremerhaven þann 25 til 27 apríl 2017. Hafnarstjórn samþykkir að senda fulltrúa á fundinn.

Erindi frá Thorship dags. 16. febrúar 2017 þar sém óskað er eftir undanþágu frá hafnsöguskyldu að og frá Mjóeyrarhöfn fyrir Capt. Serhil Halan skipstjóra á Mv. Marmaui. Hafnarstjórn staðfestir undanþágu frá hafnsögu fyrir Serhil Halan skipstjóra á Mv. Marmaui.

Upplýsingar frá siglingasviði Vegagerðarinnar dags. 8. febrúar 2017 um til boð í stál fyrir lengingu hafnarkants á Eskifirði.
Hafnarstjórn samþykkir töku tilboðs frá GA ehf í stálþil og festingar fyrir Eskifjörð að upphæð 30,4 millj.kr.

Erindi frá Björgunarsveitinni Geisla á Fáskrúðsfirði dags. 13. febrúar 2017 þar sem óskað er eftir skoðað verði hvort sveitin geti fengið aðstöðu í væntanlegu þjónustuhúsi hafnarinnar við smábátahöfnina.
Hafnarstjórn tekur jákvætt í erindið og tekur það til frekari skoðunar við ákvörðun um byggingu hússins þegar að því kemur.

Erindi frá Hákoni Guðröðarsyni dags. 15. febrúar 2017 þar sem óskað er eftir styrk vegna endurbóta á bryggju framan við sjóhúsið að Egilsbraut 26 á Norðfirði.
Hafnarstjórn samþykkir að styrkja endurbætur á bryggju og bryggjupalli í samræmi við reglur hafnarstjórnar um endurgerð gamalla bryggja. Jafnframt samþykkir hafnarstjórn að hækka hámarksgreiðslu úr 500 þ.kr. í 750 þ.kr.

Lagt fram kort af fyrirhuguðum svæðum sjókvíeldis í fjörðunum. Fyrir liggur að vinna þarf að undirbúningi að frekari stefnumótun í málefnum fiskeldis í fjörðum Fjarðabyggðar. Til undirbúnings þeirri vinnu hefur meðfylgjandi yfirlitsmynd verið unnin. Stefnt er á að málið verði til umræðu á íbúafundum í hverfum bæjarins í vor. Bæjarráð ásamt eigna- skipulags- og umhverfisnefnd mun vinna áfram að stefnumótun í málaflokknum.

Erindi frá Skipulags- og byggingafulltrúa Fjarðabyggðar dags. 20. febrúar 2017 þar sem óskað er umsagnar um skipulags og matslýsingu vegna fyrirhugaðrar breytingar á Aðalskipulagi Fjarðabyggðar 2007 - 2027 þéttbýlisuppdráttur fyrir Eskifjörð, stækkun hafnarsvæðis ásamt breytingu á deiliskipulagi Leiru 1.
Hafnarstjórn gerir ekki athugasemd við skipulags og matslýsinguna.

Lagður fram kaupsamningur fyrir skotbómulyftar af gerðinni Merlo árgerð 2007. Hafnarstjórn staðfestir kaupin.