Hafnarstjórn

Erindi frá Samskip dags. 10. maí 2017 þar sem óskað er eftir undanþágu frá lóðsskyldu að og frá Mjóeyrarhöfn fyrir Guz Roman skipstjóra á MS Samskip Skaftafell. Hafnarstjórn staðfestir undanþágu frá hafnsögu fyrir Guz Roman skipstjóra á Samskip Skaftafell.

Umfjöllun um umsókn um lóð að Bólsvör 2 á Stöðvarfirði. Framkvæmdastjóri hefur lagt inn umsókn til eigna- skipulags- og umhverfisnefnda um lóð á Stöðvarfirði undir gámasvæði.
Hafnarstjórn staðfestir heimild framkvæmdastjóra til að sækja um lóð og gera lóðina klára til notkunar.

Fyrir fundinum lágu drög að viðbótarleigusamningi vegna svæðis fyrir flutningsgeyma gass.
Hafnarstjórn samþykkir fyrirliggjandi drög að samningi.

Fyrir fundinum lá minnisblað vegna grjótvarna dags. 16. maí 2017 þar sem farið er yfir þá kafla sem leitað hefur verið eftir verðum í. Aðallega er um að ræða grjótvarnir á Eskifirði auk stutts kafla við ramp björgunarsveitarinnar á Reyðarfirði. Áætlaður heildarkostnaður við þessar varnir er um 25 millj.kr.
Hafnarstjórn samþykkir minnisblaðið og felur framkvæmdastjóra að ganga frá málinu. Verkið verður fjármagnað af liðnum óráðstafað.

Bréf frá Íslensku sjávarútvegssýningunni 2017 þar sem sýningin er kynnt og boðin þátttaka, en sýningin verður haldin 13. til 15. september 2017.
Hafnarstjórn frestar ákvörðun í málinu.

Fyrir liggur að útboðsgögn vegna lengingar stálþils við nótakant á Eskifirði eru tilbúin.
Hafnarstjórn samþykkir að setja rekstur þilsins í útboð.

Drög að matsáætlun lögð fram til kynningar.

Umfjöllun um frágang á bak við grjótvarnir og gróft mat á kostnaði við þá vinnu. Vísað til áframhaldandi vinnu og umfjöllunar við fjárhagsáæltunargerð 2018.

Lagt til fram til kynningar staðfesting Orkustofnunar á umsókn Hafnarsjóðs um rannsóknarleyfi vegna efnistöku við Eyri í Reyðarfirði.

Erindi frá Björgunarsveitinni Gerpi sem barst 23. maí 2017 þar sem óskað er eftir ferðastyrk fyrir 3 fulltrúa á ráðstefnu um fjöldabjörgun á sjó. Tveir fulltrúanna koma frá Björgunarsveitinni Gerpi og einn frá Geisla. Óskað er eftir styrk að upphæð 150.000 kr.
Hafnarstjórn samþykkir að veita umbeðinn styrk að upphæð 150 þ.kr.