Hafnarstjórn

Fundargerð stjórnar Hafnasambands Íslands nr. 397 dags. 20. september 2017. Fundargerðin lögð fram til kynningar.

Erindi frá Hafnasambandi Íslands dags. 2. október 2017 þar sem Hafnasambandið að beiðni Rannsóknanefndar samgönguslysa og Vegagerðarinnar, sendir bréf Vegagerðarinnar frá 19. júní 2017 um rannsókn banaslyss sem varð í byrjun árs 2016, til upplýsingar fyrir aðildarhafnir sambandsins. Erindið kynnt.

Fundargerð stjórnar Cruise Iceland dags. 2. október 2017 lögð fram til kynningar.

Á fundi hafnarstjórnar Fjarðabyggðar þann 28. mars sl. var óskað eftir því að álits yrði leitað á mögulegum leiðum til úrbóta vegna tæringar á elstu stálþiljunum í Fjarðabyggð á Reyðafirði, Eskifirði og Norðfirði. Fyrir fundinum liggur minnisblað siglingasviðs Vegagerðarinnar dags. 29. september 2017 vegna málsins.

Drögum að innkaupareglum ásamt gögnum vísað til umsagna í nefndum Fjarðabyggðar frá bæjarráði. Málið kynnt á fundi hafnarstjórnar þann 26. september 2017 og var frestað til næsta fundar.
Hafnarstjórn felur framkvæmdastjóra að ræða við fjármálastjóra varðandi 11.gr. en gerir ekki athugasemdir við reglurnar að öðru leyti.

Áframhald vinnu við undirbúning fjárhagsáætlunar 2018 ásamt langtímaáætlun fyrir árin 2019 til 2021. Fjárhagsáætlunin samþykkt og vísað til bæjarráðs.

Endurskoðuð gjaldskrá hafnarsjóðs Fjarðabyggðar vegna ársins 2018. Fyrir fundinum liggur greinargerð framkvæmdastjóra vegna endurskoðunarinnar.
Hafnarstjórn ræddi endurskoðun gjaldskrár og vísar henni til afgreiðslu næsta fundar.

Framlögð til kynningar skýrsla um ástand innviða á Íslandi sem útgefin er af Samtökum iðnaðarins. Kynnt.